ചര്‍ച്ച് ഓഫ് ഗോഡ് കര്‍ണാടക സ്‌റ്റേറ്റ് കണ്‍വന്‍ഷന്‍ ഒക്ടോബര്‍ 28 മുതല്‍ നവംബര്‍ 1 വരെ കൊത്തന്നൂര്‍ എബനേസര്‍ നേഴ്‌സിംഗ് കോളേജ് ഓഡിറ്റോറിയത്തില്‍ വച്ച്‌

പാസ്റ്റര്‍ ഷൈജു തോമസ് ഞാറയ്ക്കല്‍ അമേരിക്കയില്‍ ശുശ്രൂഷിക്കുന്നു. ഡാളസ്സ്, ഹൂസ്റ്റണ്‍, ഒക്കല്‌ഹോമ എന്നിവിടങ്ങളില്‍ ശുശ്രൂഷ ആവശ്യമുള്ളവര്‍ ബന്ധപ്പെടുക: +1516 800 1394

Featured News

ദൈവസഭാ കര്‍ണ്ണാടക സ്റ്റേറ്റ് ഓവര്‍സീയറായി പാസ്റ്റര്‍ എം.കുഞ്ഞപ്പി ചുമതലയേറ്റു

Copy of Copy of Rev.M.Kunjappy

2016 സെപ്തംബര്‍ 10-ാം തീയതി ദൈവസഭ ഏഷ്യന്‍ സൂപ്രണ്ടിന്റെ അദ്ധ്യക്ഷതയില്‍ ബാംഗ്ലൂരില്‍ വച്ച് നടന്ന ശുശ്രൂഷകന്മാരുടെ പ്രിഫറന്‍സ് ബാലറ്റിലാണ് പാസ്റ്റര്‍ എം. കുഞ്ഞപ്പി സ്റ്റേറ്റ് ഓവര്‍സീയറായി തെരഞ്ഞെടുക്കപ്പെട്ടത്. 2008 മുതല്‍ 2012 വരെ കേരളാ സ്റ്റേറ്റ് ഓവര്‍സീയറായി പ്രവര്‍ത്തിച്ച പാസ്റ്റര്‍ കുഞ്ഞപ്പി 2012 മുതല്‍ 2016 വരെയുള്ള കാലഘട്ടത്തില്‍ കര്‍ണ്ണാടക സ്റ്റേറ്റ് മിഷണറി അഡ്മിനിസ്‌ട്രേറ്ററായി പ്രവര്‍ത്തിക്കുകയായിരുന്നു. ഈ കാലയളവില്‍ അനേകം മിഷന്‍ ഫീല്‍ഡുകള്‍ ആരംഭിക്കുകയും സ്വതന്ത്ര സഭകള്‍ പലതും ദൈവസഭയോടു ചേര്‍ന്നു വരുകയും ചെയ്തു. ദൈവസഭയ്ക്ക് സ്വന്തമായി ഒരു ഓഫീസ് ബില്‍ഡിംഗ് ഇതിനോടകം അദ്ദേഹം വാങ്ങി. വേള്‍ഡ് മിഷന്റെ യാതൊരു സഹായവും കൂടാതെ അദ്ദേഹം ചെയ്ത വിലപ്പെട്ട സേവനങ്ങളെ ആദരിച്ചാണ് സ്റ്റേറ്റ് ഓവര്‍സീയര്‍ സ്ഥാനത്തേക്ക് വേള്‍ഡ് മിഷന്‍ അദ്ദേഹത്തെ പരിഗണിച്ചത്. 19-ാം വയസ്സില്‍ സഭാ ശുശ്രൂഷകനായി തീര്‍ന്ന അദ്ദേഹം സഭയുടെ ലോക്കല്‍ പാസ്റ്റര്‍, ഡിസ്ട്രിക്ക്ട് പാസ്റ്റര്‍, ചര്‍ച്ച് ഗ്രോത്ത് മിഷന്‍ ഡയറക്ടര്‍, സണ്‍ഡേ സ്‌ക്കൂള്‍ സ്റ്റേറ്റ് പ്രസിഡന്റ്, കൗണ്‍സില്‍ സെക്രട്ടറി, ഗവേണിംഗ് ബോഡി മെമ്പര്‍, ബൈബിള്‍ കോളേജ് അദ്ധ്യാപകന്‍, അസിസ്റ്റന്റ് ഓവര്‍സീയര്‍, സ്റ്റേറ്റ് ഓവര്‍സീയര്‍ എന്നീ നിലകളില്‍ 42 വര്‍ഷം കേരളത്തില്‍ പ്രവര്‍ത്തിച്ചു. അതില്‍ 30 വര്‍ഷം സഭാ ശുശ്രൂഷയില്‍ ആയിരുന്നു. സുവിശേഷ ഘോഷണത്തിനായി നോര്‍ത്ത് ഇന്‍ഡ്യന്‍ സ്റ്റേറ്റുകളിലും പൗരസ്ത്യ, പാശ്ചാത്യ നാടുകളിലും അനേക പ്രാവശ്യം യാത്രകള്‍ ചെയ്തിട്ടുണ്ട്. അനേകരെ മാനസാന്തരത്തിലേക്കും സ്‌നാനത്തിലേക്കും നയിച്ചിട്ടുള്ള ഇദ്ദേഹം പ്രവാചക ശുശ്രൂഷകനായും കണ്‍വന്‍ഷന്‍ പ്രസംഗകനായും അറിയപ്പെടുന്നു. ദൈവസഭയില്‍ ഏറ്റവും അധികം വിവാഹ ശുശ്രൂഷകള്‍ നടത്തിയ ബഹുമതിയും ഇദ്ദേഹത്തിനുണ്ട്. കേരളാ സ്റ്റേറ്റിലെ ഇദ്ദേഹത്തിന്റെ ഭരണ നൈപുണ്യം ദൈവസഭയ്ക്ക് മറക്കാനാകാത്ത സംഭാവനകള്‍ ദാനം ലഭിച്ച സമയമായിരുന്നു. അഡ്മിനിസ്‌ട്രേഷനിലുള്ള ഇദ്ദേഹത്തിന്റെ കഴിവ് പ്രശംസനീയമാണ്. ഓഫീസ് കോംപ്ലക്‌സ്, വൈ. ഡബ്ല്യു.ഇ.എ. പ്രോജക്ട് എന്നിവ പണിത് സീയോന്‍ കുന്നിലെ ശൂന്യത മാറ്റിയതും കണ്‍വന്‍ഷന്‍ സ്റ്റേഡിയം മനോഹരമാക്കിയതും ആറന്മുള ചില്‍ഡ്രന്‍സ് ഹോം വാങ്ങിയതും ഇദ്ദേഹത്തിന്റെ കാലഘട്ടത്തിലാണ്. നോര്‍ത്ത് മലബാര്‍ ഉള്‍പ്പടെയുള്ള അനേക സ്ഥലങ്ങളില്‍ പുതിയ മിഷന്‍ സ്റ്റേഷനുകള്‍ ആരംഭിക്കുകയും 50-ലധികം സഭാഹോളുകള്‍ പ്രതിഷ്ഠിക്കുകയും അനേക സ്ഥലങ്ങളില്‍ സഭയ്ക്ക് വസ്തു വാങ്ങുകയും ചെയ്തു. ദൈവസഭയുടെ വരവു ചിലവു കണക്കുകള്‍ സഹോദരപ്രതിനിധികളെക്കൊണ്ട് ഓഡിറ്റ് ചെയ്യിച്ച് പരസ്യപ്പെടുത്തിയത് ഈ കാലഘട്ടങ്ങളിലാണ്. സ്റ്റേറ്റ് കണ്‍വന്‍ഷനില്‍ വരുന്ന ഏവര്‍ക്കും ഭക്ഷണക്രമീകരണം ഉണ്ടായതും ഇദ്ദേഹത്തിന്റെ ഭരണനേട്ടമായിരന്നു. കേരളാസ്റ്റേറ്റിനെ സോണലുകളായി തിരിച്ച് ഭരണത്തെ സുതാര്യമാക്കിയതും എടുത്തുപറയേണ്ടതാണ്. ഇങ്ങനെ എടുത്തു പറയത്തക്ക അനേകവിധ നന്മകള്‍ ദൈവസഭയ്ക്ക് ഈ കാലഘട്ടത്തില്‍ ഉണ്ടായി. ദൈവസഭയിലെ സഹോദരന്മാരേയും പാസ്റ്റേഴ്‌സിനേയും കോര്‍ത്തിണക്കി ഐക്യമായി സഭയെ വളര്‍ത്തിയെടുക്കുന്നതില്‍ അദ്ദേഹം വിജയിച്ചു. ഒരു എഴുത്തുകാരനും ഗ്രന്ഥ രചയിതാവുമായ ഇദ്ദേഹം ഇതിനോടകം 6 പുസ്തകങ്ങള്‍ രചിച്ചിട്ടുണ്ട്. മിനിസ്റ്റ്‌റിയല്‍ ഹാന്റ് ബുക്ക്, എബ്രായ ലേഖനം ഒരു പഠനം, ആഭരണം മണവാട്ടി, ജീവിക്കുന്ന രക്ത സാക്ഷികള്‍, ഉത്തമ ക്രിസ്തീയ കുടുംബം, ക്രിസ്ത്യന്‍ മോഡസ്റ്റി തുടങ്ങിയവയാണ്. യുഗാന്ത്യ സന്ദേശം ചീഫ് എഡിറ്ററും മുളക്കഴ ബൈബിള്‍ സെമിനാരി രജിസ്ട്രാറും തിരുവല്ല ദൈവസഭാ സിറ്റി ചര്‍ച്ചിന്റെ പാസ്റ്ററും ആയ ഡോ. ഷിബു കെ. മാത്യു ഇദ്ദേഹത്തിന്റെ മകനാണ്. മകള്‍ ഷീബാ ജോണ്‍സി കോട്ടയത്ത് കുടുംബമായി താമസിക്കുന്നു. ഭാര്യ അന്നമ്മ കുഞ്ഞപ്പി ഏഴംകുളം തറശ്ശേരി കുടുംബാംഗമാണ്. കര്‍ണ്ണാടക സ്റ്റേറ്റില്‍ ദൈവസഭയുടെ വളര്‍ച്ച സംബന്ധിച്ച് വ്യക്തമായ ഒരു കാഴ്ചപ്പാട് പാസ്റ്റര്‍ കുഞ്ഞപ്പിക്ക് ഉണ്ട്. കര്‍ണ്ണാടകയില്‍ പ്രവര്‍ത്തന മേഖലയ്ക്ക് വിശാലമായ രൂപം കൊടുത്തുകൊണ്ടുള്ള പദ്ധതിയാണ് അദ്ദേഹത്തിന് ഉള്ളത്. 35 വര്‍ഷങ്ങള്‍ക്ക് മുന്‍പ് കര്‍ണ്ണാടകയില്‍ ദൈവസഭയ്ക്ക് തുടക്കം കുറിച്ചത് പാസ്റ്റര്‍ തോമസ് പോള്‍ (സീനിയര്‍) മൈസൂര്‍, പി.എം. മത്തായി കോരമംഗല ബാംഗ്ലൂര്‍ എന്നിവരാണ്. കര്‍ണ്ണാടകയിലെ ദൈവസഭകളെ ചേര്‍ത്ത് റീജിയണായും ഇപ്പോള്‍ സ്റ്റേറ്റായും വേള്‍ഡ് മിഷന്‍ അംഗീകരിക്കുവാന്‍ പാസ്റ്റര്‍ തോമസ് പോളും കര്‍ണ്ണാകയിലെ ദൈവദാസന്മാരും വിശ്വാസികളും കൂട്ടായി നിന്ന് പാസ്റ്റര്‍ കുഞ്ഞപ്പിയോടൊപ്പം പ്രവര്‍ത്തിക്കുകയായിരുന്നു. അതിന്റെ ഫലമായിട്ടാണ് ദൈവസഭ കര്‍ണ്ണാടക സ്റ്റേറ്റ് നിലവില്‍ വന്നതും പാസ്റ്റര്‍ എം. കുഞ്ഞപ്പി സ്റ്റേറ്റ് ഓവര്‍സിയര്‍ ആയതും.

പാസ്റ്റര്‍ സി.സി തോമസ് സ്‌റ്റേറ്റ് ഓവര്‍സിയര്‍

c-c-thomas

ഇന്ത്യാ പൂര്‍ണ്ണ സുവിശേഷ ദൈവസഭ കേരള സ്‌റ്റേറ്റ് ഓവര്‍സീയറായി പാസ്റ്റര്‍ സി.സി തോമസ് (52)തിരഞ്ഞെടുക്കപ്പെട്ടു. 23ന് ബുധനാഴ്ച സഭാ ആസ്ഥാനമായ മുളക്കുഴ സീയോന്‍കുന്നില്‍ ചേര്‍ന്ന ദൈവസഭ കൗണ്‍സില്‍ ശുശ്രൂഷകന്മാരുടെയും പ്രിഫ്രന്‍സ് ബാലറ്റിലൂടെയാണ് തിരഞ്ഞെടുക്കപ്പെട്ടത്. അമേരിക്കയിലെ ടെന്നസ്സിയിലൂളള്ള ക്ലെവലന്റിലാണ് അന്തര്‍ദേശീയ ദൈവസഭയുടെ ആസ്ഥാനം. 2008 മുതല്‍ ടെന്നസ്സി ടൈനര്‍ ചര്‍ച്ച് ഓഫ് ഗോഡ് സഭയുടെ സീനിയര്‍ ശുശ്രൂഷ കനായി പ്രവര്‍ത്തിച്ചുവരികയായിരുന്നു. ഇന്‍ഡ്യാ ദൈവസഭയുടെ ശുശ്രൂഷകന്‍, സെന്റര്‍ പാസ്റ്റര്‍, യുവജനവിഭാഗം സംസ്ഥാന പ്രസിഡന്റ്, തിരുവല്ല ഇന്‍ഡ്യാ ക്രിസത്യന്‍ തിയോളജിക്കല്‍ സെമിനാരി രജിസ്ട്രാര്‍, അഡ്മിനിസ്‌ട്രേറ്റര്‍, ചര്‍ച്ച് ഓഫ് ഗോഡ് സ്‌റ്റേറ്റ് കൗണ്‍സില്‍ അംഗം, ബൈബിള്‍ കോളേജ് അദ്ധ്യാപകന്‍ തുടങ്ങി വിവിധ ഔദ്യോഗിക പദവികള്‍ മുമ്പ് വഹിച്ചിട്ടുണ്ട ്. ഇന്ത്യയിലെയും വിദേശ രാജ്യങ്ങളിലെയും വിവിധ സര്‍വ്വകലാശാലകളില്‍ നിന്നും ബിരുദവും വേദശാസ്ത്രത്തില്‍ ബിരുദാനന്തര ബിരുദവും നേടിയിട്ടുളള്ള പാസ്റ്റര്‍ സി.സി തോമസ് മികച്ച സംഘാടകനും പ്രഭാഷകനുമാണ്. ചെങ്ങന്നൂര്‍ മുളക്കുഴ ചിറയില്‍ പരേതരായ ചാക്കോ / തങ്കമ്മ ദമ്പതികളുടെ മകനായി 1964 ല്‍ ജനിച്ച പാസ്റ്റര്‍ സി.സി തോമസ് മുളക്കുഴ ചര്‍ച്ച് ഓഫ് ഗോഡ് സഭാംഗമാണ്. ഭാര്യ: സുനു. മക്കള്‍: ഗ്രാന്റ്, നഥനയേല്‍. യുഗാന്ത്യ സന്ദേശം കുടുംബത്തിന്റെ ആശംസകള്‍

റവ.ബെന്നി ജോൺ ചുമതലയേറ്റെടുത്തു

benn
  • ഇന്ത്യ ദൈവസഭ സെൻട്രൽ- ഈസ്റ്റേൺ റീജിയണൽ ഓവർസീയറായി റവ.ബെന്നി ജോൺ ചുമതലയേറ്റെടുത്തു. കൊൽക്കത്തയിലുളള സഭാസ്ഥാനത്ത് ഇവാഞ്ജലിസം ഡയറക്ടർ പാ.എ.ജോൺകുട്ടി അദ്ധ്യക്ഷത വഹിച്ച മീറ്റിംഗിലാണ് ഏഷ്യൻ സൂപ്രണ്ട് റവ.കെൻ ആൻഡേഴ്സന്റെ ഔദ്ദോഗികപ്രഖ്യാപനത്തോടെ അദ്ദേഹം അധികാരമേറ്റെടുത്തത്.മുൻ ഓവർസീയർ റവ.കെ.എം.തങ്കച്ചൻ ഉൾപ്പെടെ പാസ്റ്റർമാരായ ഷിബു ടി മാത്യു, ദാവൂഡാ ഡീഗൾ, മാൻക്യുർ പ്രധാൻ, ബിജു ഏബ്രഹാം, ദുർബാ ഡീഗൾ,മാത്യു ജോർജ്ജ്,സണ്ണി,റീജിയണൽ സെക്രട്ടറി ഇവാ. ബാബു ദാനിയേൽ തുടങ്ങിയ അനവധി ദൈവദാസന്മാരും വിശ്വാസി പ്രതിനിധികളും ബൈബിൾ സ്കൂൾ പ്രതിനിധികളും വിവിധ ഡിപ്പാർട്ട്മെന്റ് ഭാരവാഹികളും ആശംസകൾ അറിയിച്ചു.കേരളത്തിൽ പുനലൂർ ഒറ്റക്കൽ ദൈവസഭാംഗവും പുത്തൻപറമ്പിൽ പരേതരായ ജോൺ-പെണ്ണമ്മ ദമ്പതികളുടെ മകനുമായ റവ. ബെന്നി ജോൺ ദൈവസഭയുടെ കൗൺസിൽ മെംബർ,ആൾ ഇന്ത്യ ഗവേർണിംഗ് ബോർഡ് മെംബർ,ഡിസ്ട്രികട് പാസ്റ്റർ,കൊൽക്കത്ത സഭ പാസ്റ്റർ തുടങ്ങി വിവിധ നിലകളിൽ പ്രവർത്തിച്ചുവരവേയാണ് ഓവർസീയർ സ്ഥാനത്തേക്ക് അവരോധിക്കപ്പെട്ടത്.ഷേർളി ജോൺ സഹധർമ്മണിയും ഷിബിൻ,ഗ്രേസ് മക്കളുമാണ്. 13ൽ പരം സംസ്ഥാനങ്ങളിൽ 16ലധികം ഭാഷക്കാരുടെയിടയിൽ വ്യാപിച്ചുകിടക്കുന്ന റീജിയണൽ പ്രവർത്തനമാണിവിടെയുളളത്. പ്രധാനമായും ഗ്രാമീണ സുവിശേഷീകരണത്തിനും സഭാ സ്ഥാപനങ്ങൾക്കും ശുശ്രൂഷക-വിശ്വാസി ക്ഷേമത്തിനും മുൻതൂക്കം നൽകിയുളള പ്രവർത്തനങ്ങളാണ് ഇന്ത്യ ദൈവസഭയുടെ ഈ വിശാലമായ റീജിയണിൽ ചെയ്തു വരുന്നത്… ( കൊൽക്കത്തയിൽ നിന്ന് അനീഷ് വലിയപറമ്പിൽ)

പാസ്റ്റർ ബെനിസൺ മത്തായി ചുമതലയേറ്റു

benis

മുബൈ: ചർച്ച് ഓഫ് ഗോഡ് സെൻട്രൽ വെസ്റ്റ് റീജിയൻ ഓവർസീയറായി പാസ്റ്റർ ബെനിസൺ മത്തായി ചുമതലയേറ്റു. മുബൈയിൽ നടന്ന ചടങ്ങിൽ സൗത്ത് ഏഷ്യൻ സൂപ്രണ്ട് റവ.കെൻ ആഡേഴ്സൺ സമർപ്പണ പ്രാർത്ഥന നടത്തി. പാസ്റ്റർമാരായ സാംകുട്ടി ഇ. സി, വി.ഒ വർഗ്ഗീസ്, പി റ്റി ജേക്കബ്, മാത്യു ടി.ശാമുവൽ, ജോൺ മുട്ടുവേലി, സി.വി അലക്സാണ്ടർ, ഈസ്റ്റേൺ റീജിയൺ ഓവർസീയർ റവ.മാത്യു തോമസ് എന്നിവർ ആശംസകളറിയിച്ചു. സ്ഥാനം ഒഴിയുന്ന ഓവർസിയർ റവ: ജോസഫ് മാത്യുവിന് യാത്രയയപ്പു നൽകി. മുൻ ഓവർസീയർ പാസ്റ്റർ എ. മത്തായിയുടെ മകനാണ് പാസ്റ്റർ.ബെന്നിസൺ മത്തായി.

 

​ചർച്ച് ഓഫ് ഗോഡ് കേരളാ റീജിയൻ ഓവർസീയർ പാസ്റ്റർ കെ.സി സണ്ണിക്കുട്ടി ചുമതലയേറ്റു

Sunnykutty copy

തിരുവല്ല: ചർച്ച് ഓഫ് ഗോഡ് കേരള റീജിയൻ നിയുക്ത ഓവർസീയർ പാസ്റ്റർ കെ.സി സണ്ണിക്കുട്ടി സെപ്തംബർ ഒന്നിന് ചുമതലയേറ്റു. മൂന്നാം  തിയതി തിരുവല്ല ശാരോൻ ഓഡിറ്റോറിയത്തിൽ നടന്ന സ്വീകരണ സമ്മേളനത്തിൽ സൗത്ത് ഏഷ്യൻ സൂപ്രണ്ട് റവ.കെൻ ആൻഡേഴ്സൺ സമർപ്പണ പ്രാർത്ഥന നടത്തി. പാസ്റ്റർ സണ്ണി വർക്കി അദ്ധ്യഷത വഹിച്ചു. ഐ.പി.സി ജനറൽ സെക്രട്ടറി പാസ്റ്റർ കെ.സി ജോൺ മുഖ്യ പ്രഭാഷണം നടത്തി. ന്യൂ ഇൻഡ്യ ബൈബിൾ ചർച്ച് പ്രസിഡന്റ് പാസ്റ്റർ തോമസ്സ് ഫിലിപ്പ് അനുഗ്രഹ പ്രഭാഷണം നടത്തി.

ചർച്ച് ഓഫ് ഗോഡ് കേരള സ്റ്റേറ്റ് ഓവർസീയർ പാസ്റ്റർ സി.സി തോമസ്, മുൻ ആഭ്യന്തര മന്ത്രി ശ്രീ. തിരുവഞ്ചൂർ രാധാകൃഷ്ണൻ എം.എൽ.എ, ജോസഫ് എം പുതുശേരി എം.എൽ.എ, ഡോ. ഐസ്സക് സൈമൺ, പാസ്റ്റർമാരായ വിനോദ് ജേക്കബ്, വൈ. ജോസ്, തോമസ് കുട്ടി എബ്രഹാം, മാധ്യമ പ്രവർത്തകരായ അനിൽ കൊടിത്തോട്ടം, സാംകുട്ടി മാത്യു, പാസ്റ്റർമാരായ പി. ജെ.ജോസഫ്, കെ.ജെ ജോസ്, വി.ജോർജ്, ബ്രദർ ജോസഫ് മറ്റത്തുക്കാല, തലിയചിറ കുര്യാക്കോസ് എന്നിവർ ആശംസകൾ അറിയിച്ചു. പാസ്റ്റർമാരായ എൻ.എ തോമസ്സു കുട്ടി സ്വാഗതവും കെ.എം ജോസ് നന്ദിയും പറഞ്ഞു.ബഹു. തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രൻ റീജിയൻ ഓഫീസ് സന്ദർശിച്ച് അനുമോദിച്ചു.

മൗണ്ട് സയോന്‍ സെമിനാരി ബിരുദദാന ശുശ്രൂഷ

Attachment-1

മുളക്കുഴ: ഇന്‍ഡ്യ പൂര്‍ണ്ണ സുവിശേഷ ദൈവസഭയുടെ വിദ്യാഭ്യാസവിഭാഗത്തിന്റെ വിവിധ ബൈബിള്‍ കോളേജുകളുടെയും മൗണ്ട് സയോന്‍ ബൈബിള്‍ സെമിനാരിയുടെയും ബിരുദദാന ശുശ്രൂഷ മാര്‍ച്ച് 24 ന് മുളക്കുഴയിലുള്ള ആഡിറ്റോറിയത്തില്‍ വച്ച് നടന്നു. എഡ്യുക്കേഷന്‍ ഡയറക്ടര്‍ പാസ്റ്റര്‍ ജോണ്‍സന്‍ ഡാനിയേല്‍ അദ്ധ്യക്ഷത വഹിച്ചു. സ്‌റ്റേറ്റ് ഓവര്‍സിയര്‍ പാസ്റ്റര്‍ പി. ജെ. ജെയിംസ് കമ്മീഷനിംഗ് സന്ദേശം നല്കുകയും സര്‍ട്ടിഫിക്കറ്റുകള്‍ വിതരണം നടത്തുകയും ചെയ്തു. പാസ്റ്റര്‍ മാത്യു കെ. ഫിലിപ്പ് മുഖ്യസന്ദേശം നല്കി. സ്റ്റേറ്റ് കൗണ്‍സില്‍ സെക്രട്ടറി പാസ്റ്റര്‍ ജെ. ജോസഫ് ഫിലിപ്പിയന്‍സിലുള്ള ഏഷ്യന്‍ സെമിനാരിയുടെ എം.എ.സര്‍ട്ടിഫിക്കറ്റുകള്‍ വിതരണം ചെയ്യുകയും ആശംസകള്‍ അറിയിക്കുകയും ചെയ്തു. ഗ്രാജുവേറ്റ്‌സിനെ പ്രതിനിധികരിച്ച് ബ്രദര്‍ അവിനാഷ് കുമാറും സിസ്റ്റര്‍ അജ്ഞലി കിഷോറും പ്രസംഗിച്ചു. പാസ്റ്റര്‍ പി. സി ചെറിയാന്‍ സങ്കീര്‍ത്തനം വായിക്കുകയും രജിസ്ട്രാര്‍ പാസ്റ്റര്‍ ഷിബു കെ മാത്യു സ്വാഗതം ആംശസിക്കുകയും ചെയ്തു. പാസ്റ്റര്‍ പി. പി കുര്യന്‍, ബ്രദര്‍ റ്റി. യോഹന്നാന്‍, സിസ്റ്റര്‍ ആനി ജയിംസ് തുടങ്ങിയവര്‍ ആശംസകളറിയിച്ചു. പാസ്റ്റര്‍ കെ. എ ഉമ്മന്‍ ഗ്രാജുവേറ്റ്‌സിനായും, പാസ്റ്റര്‍മാരായ സാം. റ്റി. ജോര്‍ജ്, വിനോദ് ജേക്കബ്, ജോയി എ ചാക്കോ, കുര്യാക്കോസ് ജേക്കബ് തുടങ്ങയിവരും പ്രാര്‍ത്ഥിച്ചു. മൗണ്ട് സീയോണ്‍ ബൈബിള്‍ സ്‌കൂള്‍ ക്വയര്‍ ഗാനം ആലപിച്ചു.
2016-17 അദ്ധ്യായന വര്‍ഷത്തേക്കുള്ള ഇന്റര്‍വ്യൂ ഏപ്രില്‍ മാസം 26-ാം തീയതി രാവിലെ 10 മണിക്ക് മൗണ്ട് സയോന്‍ ബൈബിള്‍ സെമിനാരിയില്‍ വച്ച് നടക്കുകയുമുണ്ടായി.

തെരുവുനായ് സ്‌നേഹത്തിന്റെ കാണാപുറങ്ങള്‍ ഷൈജു തോമസ് ഞാറയ്ക്കല്‍ 9447313709

stree

കേരളത്തിലെ തെരുവ് നായ പ്രശ്‌നം പരിഹരിയ്ക്കപ്പെടാതെ കൂടുതല്‍ വിവാവദങ്ങളിലേയ്ക്ക് പോകുന്ന സമയമാണിത്. നായെ കൊല്ലണോ അതോ നായുടെ കടി കൊള്ളണോ എന്ന കാര്യത്തില്‍ കേരളത്തില്‍ ഇതുവരേയും തീരുമാനം ആയിട്ടില്ല. തെരുവ് നായ്ക്കളെ എപ്രകാരം നിയന്ത്രിക്കാമെന്ന ചര്‍ച്ച ശക്തമാകുന്നതിനിടെയാണ് കേരളത്തില്‍ എത്ര തെരുവ് നായ്ക്കളുണ്ടാവും? എന്ന കണക്കെടുക്കുന്നത്, എന്നാലും കൃത്യമായ കണക്കുകള്‍ ലഭ്യമല്ല. അനൗദ്യോഗികമായ കണക്കില്‍ എട്ടുലക്ഷം നായ്ക്കള്‍ കേരളത്തിലെ തെരുവുകളില്‍ അലഞ്ഞു നടക്കുന്നുണ്ടെന്ന് സംസ്ഥാന സര്‍ക്കാര്‍ പറയുന്നത്. ശരാശരി ഒന്നര ലക്ഷത്തിലധികം നായ്ക്കള്‍ വര്‍ഷംതോറും ജനിക്കുന്നു. ഇവയെ നിയന്ത്രിക്കുന്നതിന് നിരവധി പദ്ധതികള്‍ സംസ്ഥാന സര്‍ക്കാരും, പ്രാദേശിക ഭരണസമിതികളും ആസൂത്രണം ചെയ്തിട്ടുണ്ട്. പക്ഷെ പ്രായോഗിക തലത്തില്‍ ഇവയെല്ലാം പരാജയപ്പെടുന്നതായി കാണുന്നു. അതിനുള്ള ഏറ്റവും മുഖ്യ കാരണം നമ്മുടെ മൃഗ സ്‌നേഹവും, കൂടെ അടിസ്ഥാന സൗകര്യങ്ങളുടെ അപര്യാപ്തതയുമാണ്. തെരുവ് നായ ആരെ വേണമെങ്കിലും കടിക്കും. യജമാനന്‍ ഇല്ലാത്തതിനാല്‍ ആരോടും അതിന് വാലാട്ടി വിധേയത്വം കാട്ടേണ്ട കാര്യമില്ലല്ലോ. എല്ലാ തെരുവിലും സംഘടിത ശക്തിയായി നായ്ക്കള്‍ മനുഷ്യന് ഭീഷണി ഉയര്‍ത്തുന്നു. പ്രഭാത സവാരിക്കാരുടെ വലിയ പേടി സ്വപ്നമാണ് ഈ നായ്ക്കള്‍. സ്‌കൂള്‍ കുട്ടികള്‍ മരണഭീതിയോടെ നായ്കളെക്കണ്ട് തിരിഞ്ഞോടുന്നു. ജനങ്ങള്‍ നഗരസഭകളിലും പഞ്ചായത്തുകളിലും നായ് ശല്യത്തിന് അറുതി വരുത്താന്‍ കൂട്ടപ്പരാതികളുമായി എത്തുന്നു. ഒന്നും സാധിക്കുന്നില്ല തെരുവ് നായകളെ കൂട്ടത്തോടെ കൊന്നൊടുക്കുന്ന രീതി മുമ്പ് പതിവുണ്ടായിരുന്നു അലഞ്ഞു തിരിയുന്ന നായ്ക്കളെ നശിപ്പിക്കാന്‍ പദ്ധതികള്‍ ഉണ്ടാക്കിയിരുന്നു. എന്നാല്‍ 1982-ലെ ജന്തുദ്രോഹ നിവാരണ നിയമം അനുസരിച്ച് നായ്ക്കളെ കൊല്ലുന്നത് ശിക്ഷാര്‍ഹമാണ്. കൊല്ലം ജില്ലയിലെ അഞ്ചലില്‍ ഒന്നര വയസ്സുകാരനെ നായ കടിച്ചു കൊന്ന വാര്‍ത്തയോടെയാണ് തെരുവ് നായ ശല്യം ഭീതിജനകമാംവിധം പൊതുശ്രദ്ധയില്‍ വന്നത്. പിന്നാലെ സംസ്ഥാനത്തിന്റെ പല ഭാഗത്തുനിന്നും നായ ആക്രമിച്ച് പരിക്കേറ്റ് ആശുപത്രിയിലായവരുടെ വിവരങ്ങള്‍ റിപ്പോര്‍ട്ട് ചെയ്യപ്പെട്ടു. രാത്രിയില്‍ ബൈക്ക് യാത്രക്കാര്‍ ആക്രമിക്കപ്പെടുന്നു. വളര്‍ത്തു മൃഗങ്ങളെയും ഇവ കടിച്ചു കൊല്ലുന്നു. നമ്മുടെ സംസ്ഥാനത്ത് മൂന്നുവര്‍ഷത്തിനിടെ 26 പേര്‍ പേവിഷബാധ മൂലം മരിച്ചതായി മന്ത്രി വി എസ് ശിവകുമാര്‍ അറിയിച്ചു. 2013-ല്‍ പട്ടികടിയേറ്റ് ചികിത്സ തേടിയ 88,172 പേരില്‍ 11 പേരും 2014-ല്‍ 1,19,191 പേരില്‍ 10 പേരും ഈ വര്‍ഷം മെയ് വരെ 42,712 പേരില്‍ അഞ്ചുപേരും പേവിഷബാധ മൂലം മരിച്ചു എന്നാണ് സംസ്ഥാന സര്‍ക്കാരിന്റെ കണക്ക്. ലോകത്ത് മരണം വിതച്ചുകൊണ്ടിരിക്കുന്ന എബോള രോഗത്തെ മാറ്റിനിര്‍ത്തിയാല്‍ ഭീകരമായ ജന്തുജന്യരോഗം പേവിഷബാധതന്നെ. എന്തുകൊണ്ടാണ് ഇവയുടെ എണ്ണം ക്രമാതീതമായ നിലയില്‍ വര്‍ദ്ധിക്കുന്നത് മാലിന്യ സംസ്‌കരണം നഗരങ്ങളില്‍ ശാസ്ത്രീയമായി നടക്കാത്തതുമൂലമാണ് അത്. വഴിയോരങ്ങളില്‍ വലിച്ചെറിയുന്ന മാലിന്യങ്ങളും മറവുചെയ്യാതെ കുമിഞ്ഞുകൂടുന്ന ചപ്പുചവറുകളും നായ്ക്കളുടെ പെരുപ്പത്തിന് പ്രധാനപ്പെട്ട കാരണമാണ്.
പേപ്പട്ടി വിഷബാധയെക്കുറിച്ചറിയുന്നവരാരും തെരുവ് നായ പ്രേമത്തെ പ്രോത്സാഹിപ്പിക്കില്ല. മനുഷ്യരില്‍ പേവിഷബാധയുമായി നായ്ക്കളെ ബന്ധപ്പെടുത്തി ബി സി 1930 മുതലുള്ള കാലഘട്ടത്തിലെ ചരിത്ര രേഖകളുണ്ട്. അന്നും ഇന്നും പേവിഷബാധ പരത്തുന്നതില്‍ പ്രധാന കണ്ണി നായ തന്നെ. പേ രോഗം ബാധിച്ച നായ മനുഷ്യനെയോ മൃഗങ്ങളെയോ കടിക്കുന്നു. അതിന്റെ ഉമിനീരില്‍ ഉള്ള വൈറസ് മുറിവേറ്റ ഭാഗത്തുള്ള നാഡിഞരമ്പുകളില്‍ പ്രവേശിച്ച് സാവധാനം കേന്ദ്ര നാഡീവ്യൂഹത്തിലും തുടര്‍ന്ന് തലച്ചോറിലും കടക്കുന്നു. സുഷുമ്‌നാ നാഡിയിലും തലച്ചോറിലും എത്തിച്ചേര്‍ന്നാല്‍ അതിവേഗം അവ പെരുകി തലച്ചോറിലെ നാഡികോശങ്ങളിലേക്ക് വ്യാപിച്ച് തലച്ചോറിലെ കോശങ്ങളെ നശിപ്പിക്കുന്നു. മനുഷ്യരിലോ മൃഗങ്ങളിലോ ഈ രോഗത്തിന്റെ ലക്ഷണങ്ങള്‍ കണ്ടുതുടങ്ങിയാല്‍ രക്ഷ നേടാന്‍ ബുദ്ധിമുട്ടാണ്. നായ കടിച്ചാല്‍ പേവിഷത്തിനെതിരെ കുത്തിവയ്പ്പ് നടത്തണം. വിഷാണുക്കള്‍ ഉണ്ടായാലും ഇല്ലെങ്കിലും കുത്തിവയ്പ്പ് കൂടിയേ തീരൂ. നായയുടെ കടിയേറ്റാല്‍ സാധാരണ നല്‍കുന്നത് ഇന്‍ട്ര ഡെര്‍മല്‍ റാബീസ് വാക്‌സിന്‍ ആണ്. ഇതിനായി കുതിര അടക്കമുള്ള മൃഗങ്ങളില്‍ നിന്ന് എടുക്കുന്ന ഇക്യുറാബ് വാക്‌സിനും മനുഷ്യരില്‍നിന്ന് എടുക്കുന്ന ഹ്യൂമന്‍ റാബീസ് ഇമ്യൂണോ ഗ്‌ളോബുലിന്‍ എന്ന വാക്‌സിനുമാണ് ഉപയോഗിക്കുന്നത്. ഇക്യുറാബ് വാക്‌സിന്‍ എല്ലായിടത്തും ലഭ്യമാണെങ്കിലും 70 ശതമാനം ആളുകളിലും അലര്‍ജിയുണ്ടാക്കുന്നതിനാല്‍ ഉപയോഗയോഗ്യമല്ല. എന്നാല്‍, അലര്‍ജിയോ മറ്റ് അനുബന്ധ പ്രശ്‌നങ്ങളോ ഇല്ലാത്ത ഹ്യൂമന്‍ റാബീസ് ഇമ്യൂണോ ഗ്‌ളോബുലിനാണ് തീര്‍ത്തും ലഭ്യമല്ലാത്തത്. ചില ഏജന്‍സികള്‍ 5500 രൂപ നിരക്കില്‍ ബില്ലില്ലാതെ രഹസ്യമായി ഇത് നല്‍കുന്നതല്ലാതെ മെഡിക്കല്‍ ഷോപ്പുകളിലൊന്നും തന്നെ ഹ്യൂമന്‍ റാബീസ് ഇമ്യൂണോ ഗ്‌ളോബുലിന്‍ ലഭിക്കുന്നില്ലന്ന് ആരോഗ്യവകുപ്പുമായി ബന്ധപ്പെട്ടവര്‍ പറയുന്നു. സിനര്‍ജി കമ്പനിയുടെ കാമറാസ എന്ന മരുന്നും ഭാരത് സിറംസിന്റെ ‘ബരിറാസ്’ എന്ന മരുന്നുമാണ് ഹ്യൂമന്‍ റാബീസ് ഇമ്യൂണോ ഗ്‌ളോബുലിന്‍ വാക്‌സിനായി ലഭിച്ചിരുന്നത്. ചിക്ക് എബ്രിയോ വാക്‌സിന്‍, വീറോസെല്‍സ്, ഹ്യൂമന്‍ ഡിപ്ലോയ്‌സെ എന്നിവയാണ് പേ വിഷബാധയ്ക്ക് എതിരായ വാകിസിനുകള്‍. ഇസ്രായേല്‍, ജര്‍മന്‍ ഉല്‍പന്നങ്ങളാണിവ. ലോകത്ത് ഇതല്ലാതെ പേവിഷബാധക്ക് ഫലപ്രദമായ മറ്റ് മരുന്നില്ല. സര്‍ക്കാര്‍ ന്യായവില മെഡിക്കല്‍ ഷോപ്പുകളില്‍ ഒരു ആംപ്യൂളിന് 2000 രൂപക്ക് വിറ്റിരുന്ന ഈ വാക്‌സിന് പൊതുവിപണിയില്‍ 5500 രൂപ നല്‍കണം. കടിയേറ്റ ഒരാളുടെ തൂക്കമനുസരിച്ച് മൂന്നു മുതല്‍ ആറ് ആംപ്യൂള്‍ വരെ നല്‍കണം. ഇതു കൂടാതെ പേ വിഷബാധയ്‌ക്കെതിരെ ചര്‍മ്മത്തിനുള്ളില്‍ എടുക്കുന്ന നൂതന പ്രതിരോധ കുത്തിവയ്പ്പാണ് ഐ.ഡി.ആര്‍.വി( ഇന്‍ട്രാ ഡെര്‍മന്‍ റാബിസ് വാക്‌സിനേഷന്‍). പേശികളില്‍ കുത്തിവയ്പ് നടത്തുന്ന ഇന്‍ട്രാ മസ്‌കുലര്‍ രീതിക്ക് പകരം തൊലിക്കുള്ളില്‍ കുത്തിവെയ്പ് നടത്തുന്ന ഇന്‍ട്രാ ഡെര്‍മല്‍ (ഐഡിആര്‍വി) രീതി. അഞ്ചു ഡോസായിട്ടാണ് കുത്തി വയ്പ്. 1,3,7,14,28 ദിവസങ്ങളിലായാണ് അഞ്ചു ഡോസുകളും കുത്തിവയ്ക്കുന്നത്. മാരകമായ മുറിവാണെങ്കില്‍ വാക്‌സിനൊപ്പം സിറവും കുത്തിവയ്ക്കണം. വാക്‌സിന്‍ പ്രവര്‍ത്തിച്ച് ശരീരത്തില്‍ ആന്റിബോഡി ഉണ്ടാകുന്നതുവരെ രോഗാണുവിനെ നശിപ്പിക്കുകയാണ് സിറത്തിന്റെ ധര്‍മ്മം.
കപടമായ ഈ തെരുവുനായപ്രേമത്തിനു പിന്നില്‍ വാണിജ്യ തലാപര്യങ്ങള്‍ ഒളിഞ്ഞിരിക്കുന്നുണ്ടോ എന്ന് സംശയിക്കേണ്ടിയിരിക്കുന്നു. മിക്ക ജീവന്‍രക്ഷാമരുന്നുകളുടെയും വില രണ്ടാമതും പുതുക്കിക്കൊണ്ട് ദേശീയ മരുന്നുവില നിയന്ത്രണസമിതി. ആഗോള കുത്തക മരുന്ന്കമ്പനികളെ സഹായിക്കാനായി രോഗികളുടെ മേല്‍ കൊള്ളവില മരുന്ന് കമ്പനികള്‍ അടിച്ചേല്‍പ്പിക്കുകയാണ്. വിലനിയന്ത്രണപ്പട്ടികയിലുള്ള 509 മരുന്നുകളുടെ വില പുതുക്കിനിശ്ചയിച്ചുകൊണ്ട് ദേശീയ മരുന്നുവില നിയന്ത്രണസമിതി ഉത്തരവിലൂടെ സാധാരണരോഗികളുടെ കൈപൊള്ളുമെന്ന് ഉറപ്പായി. 2013-ലാണ് ഇപ്പോഴത്തെ ഔഷധവില നിയന്ത്രണനിയമം നിലവില്‍വന്നത്. ഇതിലെ വ്യവസ്ഥപ്രകാരം വര്‍ഷത്തിലൊരിക്കല്‍ വിപണിയിലെ വില്‍പ്പന വിഹിതത്തിന്റെ അടിസ്ഥാനത്തില്‍ മരുന്നുകളുടെ വില പുതുക്കി നിശ്ചയിക്കാനുള്ള അധികാരം ദേശീയ മരുന്നുവില നിയന്ത്രണസമിതിയില്‍ നിക്ഷിപ്തമാണ്. വിപണിയില്‍ ഏറ്റവുംകൂടുതല്‍ വില്‍ക്കപ്പെടുന്ന മരുന്നിന്റെ വില ഉയര്‍ത്തിനിശ്ചയിക്കാമെന്ന നിബന്ധനയാണ് അതിലുള്ളത്. ഏറ്റവുംകൂടുതല്‍ രോഗികള്‍ ആശ്രയിക്കുന്ന മരുന്നിന് വിലകൂട്ടാന്‍ ഇത് സാഹചര്യമൊരുക്കുകയാണ് അതിലുടെ ചെയ്യുന്നത്. 15 വര്‍ഷം മുമ്പുവരെ ലോകത്തിലെ കുറഞ്ഞ ചികിത്സാച്ചെലവുള്ള രാജ്യങ്ങളിലൊന്നായിരുന്നു ഇന്ത്യ. എന്നാല്‍, ഇന്ന് മരുന്നിന് തീവിലയാണ്. ഈ ദുര്‍ഗതി എങ്ങനെ വന്നു? ഉത്തരം നമുക്ക് മുന്നില്‍ കൃത്യമായുണ്ട്. 1991 മുതല്‍ രാജ്യത്ത് മാറിമാറി വന്ന സര്‍ക്കാരുകള്‍ തുടരുന്ന നവലിബറല്‍ നയങ്ങള്‍ തന്നെയാണ് കാരണം. മറുവശത്ത് മരുന്നുവില അമിതമായി വര്‍ധിക്കാതെ പിടിച്ചുനിര്‍ത്താന്‍ രാജ്യത്ത് ഫാര്‍മസ്യൂട്ടിക്കല്‍ െ്രെപസിങ് അതോറിറ്റി നിലവിലുണ്ട്. ഇത് ചില പ്രധാന മരുന്നുകളുടെ അമിതവില തടയുന്നതിന് അതോറിറ്റിയുടെ നിയന്ത്രണം ഫലം ചെയ്തിരുന്നു. എന്നാല്‍ ഇപ്പോള്‍ 108 ഇനം മരുന്നുകളുടെ വില അമിതമായി വര്‍ധിച്ചിരിക്കുന്നു. കാന്‍സര്‍, ക്ഷയം, വൃക്കരോഗങ്ങള്‍, പേവിഷബാധ, ഹൃദ്രോഗം, കരള്‍ രോഗങ്ങള്‍ തുടങ്ങി വലിയ ചികിത്സാച്ചെലവ് ആവശ്യമായ രോഗങ്ങള്‍ക്കുള്ള മരുന്നുകളുടെ വിലയാണ് അമിതമായി വര്‍ധിച്ചത്. വികസ്വര രാജ്യങ്ങളിലേക്ക് ജീവന്‍രക്ഷാ മരുന്നുകള്‍ ഏറ്റവും കൂടുതല്‍ കയറ്റിയയക്കുന്ന രാജ്യങ്ങളില്‍ പ്രധാന സ്ഥാനവും ഇന്ത്യക്കുണ്ട്. അതുകൊണ്ട്, ഇന്ത്യന്‍ ഔഷധ നിര്‍മാണമേഖലയും വിപണിയും ലോകത്തെ കുത്തകകള്‍ക്ക് അലോസരം സൃഷ്ടിച്ചിരുന്നു. 1999-ല്‍ സമാധാനത്തിനുള്ള നൊബേല്‍ സമ്മാനം നേടിയ ജനകീയ ആരോഗ്യ പ്രസ്ഥാനമായ മെഡിസിന്‍സ് സാന്‍സ് ഫ്രോണ്ടിയേഴ്‌സിന്റെ വിലയിരുത്തല്‍ പ്രകാരം ഇന്ത്യ ‘വികസ്വര രാജ്യങ്ങളുടെ ഫാര്‍മസിയാണ്.’ ഇന്ത്യയിലെ പൊതുമേഖലാ ഔഷധ കമ്പനികളും സര്‍ക്കാര്‍ നിയന്ത്രണങ്ങളോടെ പ്രവര്‍ത്തിച്ച സ്വകാര്യ കമ്പനികളും 2013-2014 സാമ്പത്തിക വര്‍ഷം 1,04,209 കോടി രൂപയുടെ മരുന്ന് വിപണനമാണ് നടത്തിയത്. ഇതില്‍ 42,154 കോടിയുടെ മരുന്നും വികസ്വര രാജ്യങ്ങളിലേക്കുള്ള കയറ്റുമതിയും. ഈ വലിയ വിപണി മുഴുവന്‍ കൈയടക്കി കൊള്ളലാഭം കൊയ്യാനുള്ള ഹീന ശ്രമത്തിനാണ് പേവിഷബാധ ചികിത്സയ്ക്ക് ഉപയോഗിക്കുന്ന മരുന്നിന് നാലായിരത്തിലധികം വര്‍ധിച്ചപ്പോള്‍ ഉണ്ടായിരിക്കുന്നത്. ആരെ നായ് കടിച്ചാലും കുഴപ്പമില്ല, ഏതു തരത്തിലും ലാഭം മാത്രം ലക്ഷ്യമിടുന്നവരുടെ കുശാഗ്രത അല്ലേ ഇതെന്ന് സംശയിക്കേണ്ടിയിരിക്കുന്നു. ഇന്നത്തെ ലോകം സകലത്തേയും ലാഭകണ്ണുകളോടെ മാത്രം നോക്കി കാണുന്ന സ്ഥിതിയിലേക്ക് എത്തിച്ചേര്‍ന്നിരിക്കുന്നു. ആത്മീയ ലോകത്തും സ്ഥിതി ഒട്ടും വ്യത്യസ്തമല്ല. സ്വന്തം നേട്ടങ്ങള്‍ക്കും സ്ഥാനങ്ങള്‍ക്കും വേണ്ടി എന്തും ചെയ്യുവാന്‍ ആരേയും ഒറ്റിക്കൊടുക്കുവാന്‍ തയ്യറാകുന്ന ദയനീയമായ കാഴ്ചകള്‍ നാം കാണുന്നു. 30 വെള്ളിക്കാശിന് സ്വന്തം ഗുരുവിനെ ഒറ്റികൊടുത്ത ഇസ്‌കരിയോത്ത യൂദായുടെ ആത്മാവുള്ളവര്‍ ഇന്നും സ്വച്ഛന്തം വിഹരിക്കുന്നു എന്നത് ദുഖകരം തന്നെ.

ചര്‍ച്ച് ഓഫ് ഗോഡ് കോണ്‍ഫ്രന്‍സ് ടോറന്റോയില്‍

NAcog copy

കാനഡ: നോര്‍ത്തമേരിക്കന്‍ ചര്‍ച്ച് ഓഫ് ഗോഡ് മലയാളി കോണ്‍ഫ്രന്‍സ് ജൂലൈ 14 മുതല്‍ 17 വരെ കാനഡായിലെ ടൊറന്റോയില്‍ ഹോളിഡേ ഇന്‍ ഹോട്ടലില്‍ വച്ച് നടക്കും. അമേരിക്കയിലെ വിവിധ പട്ടണങ്ങള്‍ കേന്ദ്രികരിച്ച് നടക്കുന്ന കോണ്‍ഫ്രന്‍സ് ഈ പ്രാവശ്യം കാനഡിയില്‍ നടക്കുന്നു എന്നുള്ളത് ഒരു പ്രത്യേകതയാണ്. പാസ്റ്റര്‍മാരായ ജാക്വിസ് ഹൗളെ, പി. ജെ ജയിംസ്, ജോ കുര്യന്‍, ബെനിസണ്‍ മത്തായി, ലിന്‍സണ്‍ ഡാനിയേല്‍, സിസ്റ്റര്‍ അന്നമ്മ നൈനാന്‍ എന്നിവര്‍ മുഖ്യ പ്രസംഗകരായിരിക്കും. പാസ്റ്റര്‍മാരായ സാംകുട്ടി വര്‍ഗിസ് (പ്രസിഡന്റ്) സന്തോഷ് പൊടിമല (വൈസ് പ്രസിഡന്റ്), സാം മാത്യു (സെക്രട്ടറി), ജോഷ്വാ ജോസഫ് (നാഷണല്‍ ട്രഷറാര്‍), സിസില്‍ മാത്യു (യൂത്ത് കോര്‍ഡിനേറ്റര്‍) എന്നിവരുടെ നേതൃത്വത്തില്‍ വിപുലമായ കമ്മറ്റി പ്രവര്‍ത്തിച്ച് വരുന്നു.

തിരഞ്ഞെടുപ്പ് നിയോജക മണ്ഡലാടിസ്ഥാനത്തില്‍

കുമ്പനാട്: 2016 ലെ ഐ.പി.സി കേരളസ്റ്റേറ്റ് കൗണ്‍സില്‍ തിരഞ്ഞെടുപ്പ് നിയോജക മണ്ഡലടിസ്ഥാനത്തിലാക്കുവാന്‍ മാര്‍ച്ച് 1 ന് കൂടിയ സ്‌റ്റേറ്റ് കൗണ്‍സില്‍ തീരുമാനിച്ചു. ചില വര്‍ഷങ്ങളായി സഭാ വിശ്വാസികളും പാസ്റ്റര്‍മാരും ആവശ്യപ്പെട്ടിരുന്നതാണിത്. മൂന്ന് വര്‍ഷം മുന്‍പ് തന്നെ കൗണ്‍സില്‍ ഇത് അംഗീകരിച്ചിരുന്നു.
കേരളത്തിലെ ഓരോ ജില്ലയിലെയും രജിസ്റ്റര്‍ ചെയ്ത സഭാവിശ്വാസികളുടെ എണ്ണത്തിന് അനുസരിച്ച് ആനുപാതികമായി അംഗങ്ങളെ അതത് ജില്ലയില്‍ നിന്നുള്ള പ്രതിനിധികള്‍ തിരഞ്ഞെടുക്കുന്നതാണ്. ഇതോടെ എല്ലാവരും വോട്ടിങ്ങിനായി കുമ്പനാട് എത്തേണ്ട സാഹചര്യം ഒഴിവായി.
കേരളത്തില്‍ നിന്നുള്ള ജനറല്‍ കൗണ്‍സില്‍ അംഗങ്ങളെയും സ്റ്റേറ്റ് എക്‌സിക്യൂട്ടീവ്‌സിനെയും എല്ലാ പ്രതിനിധികളും ചേര്‍ന്നാണ് തിരഞ്ഞെടുക്കുന്നത്. ഇതിനുള്ള ബാലറ്റ് പേപ്പറുകളും എല്ലാ ജില്ലകളിലും തയ്യാറാക്കുന്ന ബൂത്തുകളില്‍ വിതരണം ചെയ്യുന്നതാണ്.
പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ ഉള്‍പ്പെടുന്ന മലബാറിനെ രണ്ട് നിയോജകമണ്ഡലങ്ങളായി ആണ് തിരിച്ചിരിക്കുന്നത്.
ഓരോ സെന്ററിന്റെയും കേന്ദ്രസ്ഥലം (പേര്) ഏതു ജില്ലയിലാണോ, ആ സെന്ററിലെ സഭകളെല്ലാം അതേ ജില്ലയില്‍ ഉള്‍പ്പെടുന്നതാണ്. ഓരോ ജില്ലയില്‍ നിന്നും അതത് ജില്ലയില്‍ പ്രവര്‍ത്തന പരിചയവും സാക്ഷ്യവും ഉള്ളവര്‍ കൗണ്‍സില്‍ അംഗങ്ങളാകുവാന്‍ ഈ സംവിധാനം സഹായിക്കും. മാര്‍ച്ച് 8 ന് കൂടിയ കൗണ്‍സില്‍ തീരുമാന പ്രകാരം കേരളത്തിലെ കൗണ്‍സില്‍ അംഗങ്ങളുടെ അംഗസംഖ്യ 63 ല്‍ നിന്നും 84 ആയി ഉയര്‍ത്തിയതായി സ്റ്റേറ്റ് സെക്രട്ടറി പാസ്റ്റര്‍ ഫിലിപ്പ് പി.തോമസ് വാര്‍ത്താകുറിപ്പില്‍ അറിയിച്ചു.

സ്റ്റേറ്റ് തിരഞ്ഞെടുപ്പ് ഏപ്രില്‍ അവസാനവാരം

കുമ്പനാട്: അനിശ്ചിതത്വങ്ങള്‍ക്കൊടുവില്‍ ഐ.പി.സി സ്റ്റേറ്റ് കൗണ്‍സില്‍ തിരഞ്ഞെടുപ്പിന് കളമൊരുങ്ങി. 2016 ഏപ്രില്‍ 28 ന് തിരഞ്ഞെടുപ്പ് നടത്താന്‍ മാര്‍ച്ച് 22 ന് കൂടിയ സ്റ്റേറ്റ് കൗണ്‍സില്‍ തത്വത്തില്‍ തീരുമാനിച്ചു. 2015 ഡിസംബറില്‍ കാലാവധി പൂര്‍ത്തിയാക്കിയ കൗണ്‍സിലിനെതിരെ ചിലര്‍ നല്‍കിയ കേസിനെ തുടര്‍ന്ന് തിരഞ്ഞെടുപ്പ് നീണ്ടുപോകുകയായിരുന്നു. സഭാശുശ്രൂഷയില്‍ നിന്നും പുറത്താക്കപ്പെട്ടയാള്‍ നല്‍കിയ കേസില്‍ ജനറല്‍ സെക്രട്ടറിയും സ്റ്റേറ്റ് സെക്രട്ടറിയുമായിരുന്നു പ്രതികളായി ചേര്‍ത്തിരുന്നത്. കേസില്‍ സഭയ്ക്ക് അനുകൂലമായി വിധി വന്നതോടെയാണ് തിരഞ്ഞെടുപ്പ് നടത്താന്‍ തീരുമാനമായത്. വിധി പകര്‍പ്പ് ലഭിക്കാതിരുന്നതിനെ തുടര്‍ന്ന് തിരഞ്ഞെടുപ്പ് സംബന്ധിച്ചുള്ള വിജ്ഞാപനം ഏപ്രില്‍ 5 ന് നടക്കുന്ന സ്റ്റേറ്റ് കൗണ്‍സിലിന് ശേഷം പുറപ്പെടുവിക്കും. പുറത്തിരക്കപ്പെട്ടയാളെ തിരഞ്ഞെടുപ്പില്‍ പങ്കെടുപ്പിക്കണെന്നും ഇന്ത്യാപെന്തക്കോസ്ത് ദൈവസഭ സ്റ്റേറ്റ് കൗണ്‍സില്‍ തിരഞ്ഞെടുപ്പ് ജനറല്‍ കൗണ്‍സില്‍ തിരഞ്ഞെടുപ്പിനോട് ചേര്‍ന്ന് നടത്തണമെന്നുമുള്ള വാദമാണ് കോടതി തള്ളിയത്. സ്റ്റേറ്റ് കൗണ്‍സിലിന്റെ കാലാവധി 2015 ഡിസംബറില്‍ പൂര്‍ത്തിയായിരുന്നു. സഭയുടെ പ്രധാനികളായ ഇരുകൗണ്‍സിലിന്റെയും പ്രസിഡന്റുമാരെ കേസില്‍ ഉള്‍പ്പെടുത്താതെ പുറത്താക്കപ്പെട്ടയാള്‍ നല്‍കിയ ഹര്‍ജിയില്‍ ദുരൂഹതകളേറെയുണ്ടായിരുന്നു. കാലാവധി പൂര്‍ത്തിയാക്കിയ കൗണ്‍സിലുകള്‍ തുടരുന്നതിലെ ഔചിത്യത്തെക്കുറിച്ച് പലഭാഗത്ത് നിന്നും ചോദ്യങ്ങള്‍ ഉയര്‍ന്നിരുന്നു. ജനറല്‍ കൗണ്‍സിലിന്റെ കാലാവധി 2016 ജനുവരിയില്‍ പൂര്‍ത്തിയായിരുന്നു. ഏപ്രില്‍ അവസാനം തിരഞ്ഞെടുപ്പ് നടക്കുന്നതിനാല്‍ പാസ്റ്റര്‍മാരുടെ ഈ വര്‍ഷത്തെ സ്ഥലം മാറ്റം മെയ് ആദ്യവാരം പൂര്‍ത്തിയാക്കാന്‍ സ്റ്റേറ്റ് കൗണ്‍സില്‍ തീരുമാനിച്ചു.

Yougandhya Sandesham Oct Issue new10 copy12190785_1142181409126205_8460763331841105025_n