പാസ്റ്റര്‍ ഷൈജു തോമസ് ഞാറയ്ക്കല്‍ അമേരിക്കയില്‍

പാസ്റ്റര്‍ ഷൈജു തോമസ് ഞാറയ്ക്കല്‍ അമേരിക്കയില്‍ ശുശ്രൂഷിക്കുന്നു. ഡാളസ്സ്, ഹൂസ്റ്റണ്‍, ഒക്കല്‌ഹോമ എന്നിവിടങ്ങളില്‍ ശുശ്രൂഷ ആവശ്യമുള്ളവര്‍ ബന്ധപ്പെടുക: +1516 800 1394

Featured News

ഐ.പി.സി മിഡ് വെസ്റ്റ് റീജിയന് വാര്ഷിക കണ്വന്ഷന്

Author-6

രാജു തരകന്‍

ഡാളസ്: ഐ.പി.സി മിഡ് വെസ്റ്റ് റീജിയന്റെ വാര്‍ഷിക കണ്‍വന്‍ഷന്‍ ഡാളസ് ഇര്‍വിംഗ് സിറ്റിയില്‍ ദി വെസ്റ്റിന്‍ ഡാളസ് ഫോര്‍ട്ട് വര്‍ത്ത് എയര്‍പോര്‍ട്ട് ഹോട്ടല്‍ സമുച്ചയത്തില്‍ സെപ്റ്റംബര്‍ രണ്ടിന് ആരംഭിക്കും. വൈകിട്ട് 6.30 ന് സംഗീതശുശ്രൂഷയോടെ ആരംഭിക്കുന്ന കണ്‍വന്‍ഷന്‍ റീജിയന്‍ പ്രസിഡന്റ് പാസ്റ്റര്‍ ഷാജി ഡാനിയേല്‍ ഉത്ഘാടനം നിര്‍വ്വഹിക്കും. അന്തര്‍ദേശീയ കണ്‍വന്‍ഷന്‍ പ്രസംഗകനായ പാസ്റ്റര്‍ ബാബു ചെറിയാന്‍ (ഇന്ത്യ) വചനശുശ്രൂഷ നിര്‍വ്വഹിക്കുന്നതോടൊപ്പം അമേരിക്കയില്‍ വിവിധ സംസ്ഥാനങ്ങളില്‍ സഭാശുശ്രൂഷകരായ ദൈവദാസന്മാരും വിവിധ യോഗങ്ങളില്‍ പ്രസംഗിക്കും.

യുവജനങ്ങളുടെ വിഭാഗമായ പി.വൈ.പി.എ യുടെ നേതൃത്വത്തില്‍ വിവിധ യോഗങ്ങളും പ്രോഗ്രാമുകളും ക്രമീകരിച്ചിട്ടുണ്ട്. ശനിയാഴ്ച രാവിലെ 9.00 മണിക്ക് റ്റാലന്റ് മത്സരങ്ങള്‍ ആരംഭിക്കും. യുവജനസമ്മേളനത്തില്‍ വചനശുശ്രൂഷ നിര്‍വ്വഹിക്കുന്നത് പാസ്റ്റര്‍ ലിബിന്‍ ഏബ്രഹാം. സഹോദരി സമ്മേളനത്തില്‍ സിസ്റ്റര്‍ കൊച്ചുമോള്‍ ജയിംസാണ് പ്രഭാഷണം നടത്തുന്നത്. സെപ്റ്റംബര്‍ നാലിന് സഭായോഗത്തോടെ കണ്‍വന്‍ഷന്‍ സമാപിക്കും.

വിവിധ സംസ്ഥാനങ്ങളില്‍ നിന്ന് കടന്നുവരുന്ന സഭാശുശ്രൂഷകര്‍ക്കും വിശ്വാസികള്‍ക്കും ദി വെസ്റ്റിന്‍ ഡാളസ് ഫോര്‍ട്ട് വര്‍ത്ത് എയര്‍പോര്‍ട്ട് ഹോട്ടല്‍ സമുച്ചയത്തില്‍ താമസ സൌകര്യം ലഭ്യമാണ്. പ്രവാസജീവിതത്തില്‍ ഐക്യതയുടെയും, സ്നേഹത്തിന്റെയും, കൂട്ടായ്മയുടേയും ഒത്തുചേരല്‍ പങ്കിടുന്ന ഈ സമ്മേളനത്തിന്റെ ഒരുക്കങ്ങള്‍ പുരോഗമിക്കുന്നു. പാസ്റ്റര്‍ ഷാജി ഡാനിയേലിന്റെ നേതൃത്വത്തില്‍ 43 അംഗ ഭരണസമിതിയാണ് വാര്‍ഷിക കണ്‍വന്‍ഷന് നേതൃത്വം വഹിക്കുന്നത്.

വിശദവിവരങ്ങള്‍ക്ക് ബന്ധപ്പെടുക : പാസ്റ്റര്‍ ഷാജി ഡാനിയേല്‍ :  713-5869-580, പി.സി.ജേക്കബ്: 405-9213-822,

കെ.വി.തോമസ്: 214-7715-683,

ജോസ് സാമുവല്‍: 405-2045-826,

വെസ്ലി മാത്യു: 214-9297-614,

എസ്.പി.ജയിംസ്: 214-3346-962.

 

 

ആക്രമണശ്രമത്തെ അപലപിക്കുന്നു

Copy of Copy of Rev.M.Kunjappy

ചെന്നാമറ്റം: മുന്‍കേരളാ സ്റ്റേറ്റ് ഓവര്‍സീയറും ഇപ്പോള്‍ ദൈവസഭയുടെ കര്‍ണ്ണാടകാ സ്റ്റേറ്റ് അഡ്മിനിസ്‌ട്രേറ്ററുമായ പാസ്റ്റര്‍ എം. കുഞ്ഞപ്പിയെ മരണവീട്ടില്‍ വച്ച് ആക്രമിക്കുവാന്‍ ശ്രമിച്ചു. 2000 മുതല്‍ ക്രിസ്തീയ സ്‌നേഹബന്ധം പുലര്‍ത്തുന്നതും പാസ്റ്റര്‍ എം. കുഞ്ഞപ്പിയെ എല്ലാ വിധത്തിലും ആദരിക്കുകയും ചെയ്യുന്ന ഭവനമാണ് ചെന്നാമറ്റം ചാണകപ്പാറയ്ക്കല്‍ സി. പി. രാജുവിന്റെ കുടുംബം. രാജുവിന്റെ ഭാര്യ ലാലിയുടെ മരണവാര്‍ത്ത ചെന്നാമറ്റം ദൈവസഭയുടെ സ്ഥാപകരില്‍ പ്രധാനിയായ ചെന്നാമറ്റം കുഞ്ഞുമോനും പി. എസ് രാജുവും (പരേതയുടെ ഭര്‍ത്താവ്) വിളിച്ച് പറഞ്ഞ് ക്ഷണിച്ചതനുസരിച്ചാണ് പാസ്റ്റര്‍ എം. കുഞ്ഞപ്പി മെയ് 9-ാം തീയതി വൈകിട്ട് മരണവീട്ടില്‍ എത്തുന്നത്. അദ്ദേഹം മരണവീട്ടില്‍ എത്തിയ വിവരം അറിഞ്ഞ മണര്‍കാട് സാബു എന്നറിയപ്പെടുന്ന ജേക്കബ്ബ് തോമസ് തന്റെ സുഹൃത്ത് വലയത്തില്‍പ്പെട്ട ഒരു സംഘം സഹോദരന്മാരുമായി വന്ന് അനുശോചന സന്ദേശം പറഞ്ഞ് യാത്ര ചോദിച്ച് ഇറങ്ങിയ കര്‍ത്തൃദാസനെ മുന്‍ വൈരാഗ്യത്തിന്റെ പക തീര്‍ക്കുവാന്‍ മനപൂര്‍വ്വം ബഹളമുണ്ടാക്കി ആക്രമിക്കുവാന്‍ ശ്രമിക്കുകയായിരുന്നു. ആക്രമണത്തിന് കാരണം പാസ്റ്റര്‍ കെ. സി ജോണ്‍ കേരളാ സ്‌റ്റേറ്റ് ഓവര്‍സീയറായിരിക്കുമ്പോള്‍ പാസ്റ്റര്‍ എം. കുഞ്ഞപ്പി അസിസ്റ്റന്റ് ഓവര്‍സിയറും സ്റ്റേറ്റ് കൗണ്‍സില്‍ സെക്രട്ടറിയും ആയിരുന്നു. 2004-ല്‍ മണര്‍കാട് ദൈവസഭ സാബുവിനെതിരെ നല്കിയ ഗുരുതരമായ പരാതി പരിഗണിച്ച് അന്നത്തെ സ്റ്റേറ്റ് കൗണ്‍സില്‍ ദൈവസഭയുടെ പോളിസി നടപടി ക്രമം പാലിച്ച് ജേക്കബ്ബ് തോമസ് എന്ന സാബു കുറ്റക്കാരന്‍ എന്ന് കണ്ടെത്തി അന്നത്തെ ഓവര്‍സിയര്‍ പാസ്റ്റര്‍ കെ. സി ജോണ്‍ നടപടി സ്വീകരിച്ച് ശുശ്രൂഷക സ്ഥാനത്ത് നിന്ന് സാബുവിനെ ഒഴിവാക്കിയിരുന്നു. സ്റ്റേറ്റ് കൗണ്‍സില്‍ സെക്രട്ടറി എന്ന നിലയില്‍ അതിന്റെ നടപടി ക്രമങ്ങളില്‍ പാസ്റ്റര്‍ എം. കുഞ്ഞപ്പി ഔദ്യോഗിക കൃത്യ നിര്‍വ്വഹണം നടത്തിയിരുന്നു. അതിന്റെ വൈരാഗ്യവും, പകയുമാണ് ഈ ആക്രമണശ്രമത്തിന്റെ പിന്നില്‍ ഉള്ളത് എന്ന് സംഭവ സമയത്ത് സ്ഥലത്ത് ഉണ്ടായിരുന്ന ദൈവമക്കള്‍ പറയുന്നു.
1978 മുതല്‍ ചെന്നാമറ്റത്തെ പ്രവര്‍ത്തനങ്ങളുമായി പാസ്റ്റര്‍ എം. കുഞ്ഞപ്പി ബന്ധപ്പെട്ടിട്ടുള്ളതാണ്. 1982-ല്‍ പാമ്പാടി ഡിസ്ട്രിക്ടിന്റെ പാസ്റ്ററായി അദ്ദേഹം പ്രവര്‍ത്തിച്ച കാലഘട്ടം മുതല്‍ ചെന്നാമറ്റം കുഞ്ഞുമോന്റെ നേതൃത്വത്തില്‍ സഭയ്ക്ക് വളര്‍ച്ച ഉണ്ടായി. നിത്യതയില്‍ വിശ്രമിക്കുന്നു പുളിക്കല്‍ കൊച്ചായനാണ് ചെന്നാമറ്റം കുഞ്ഞുമോന്‍ എന്ന സഹോദരന്‍ രക്ഷയുടെ മാര്‍ഗ്ഗത്തില്‍ കൊണ്ടുവരുന്നത്. ആ സമയത്ത് പാസ്റ്റര്‍ എം. കുഞ്ഞപ്പി പുതുപ്പള്ളി സഭയുടെ പാസ്റ്ററായിരുന്ന അപ്പോള്‍ തന്നെ ചെന്നാമറ്റം സഭയുടെ സുവിശേഷ പ്രവര്‍ത്തനങ്ങളില്‍ പ്രധാന പങ്കു അദ്ദേഹം വഹിച്ചിരുന്നു. ആ നിലയില്‍ ചെന്നാമറ്റം സഭയുമായി ഒരു ആത്മീക ബന്ധം പാസ്റ്റര്‍ എം. കുഞ്ഞപ്പിക്ക് ഇന്നും ഉണ്ട്. ഇതിന് മുമ്പും ഒന്നിലധികം തവണ ജേക്കബ്ബ് തോമസ് ചെന്നാമറ്റം സഭയോടുള്ള ബന്ധത്തില്‍ പ്രശ്‌നങ്ങള്‍ സൃഷ്ടിച്ചിട്ടുണ്ട്. മെയ് 9-ാം തീയതി ചെന്നാമറ്റം കുഞ്ഞുമോനും, പരേതയുടെ ഭര്‍ത്താവ് പി. എസ് രാജുവും, അഞ്ചേരി സഭാംഗം നെടുന്തറയില്‍ മനോജും, കേരളാ സ്‌റ്റേറ്റ് വൈ. പി. ഇയുടെ മുന്‍ സെക്രട്ടറി അജി കുളങ്ങരയും സമയോജിതമായി ഇടപ്പെട്ട് ആക്രമണ ശ്രമത്തെ പരാജയപ്പെടുത്തി. തുടര്‍ന്ന് ഈ സഹോദരന്മാര്‍ പാസ്റ്റര്‍ എം. കുഞ്ഞപ്പിയ്ക്കും കുടുംബത്തിനും സംരക്ഷണം നല്കി പാമ്പാടി ജംഗ്ക്ഷന്‍ കടത്തി വിടുകയും ചെയ്തു അതുകൊണ്ട് അനിഷ്ട സംഭവങ്ങള്‍ നടന്നില്ല. മരണ വീട്ടില്‍ തടിച്ച് കൂടിയ വലിയ ഒരു കൂട്ടം ജനത്തിന്റെ മദ്ധ്യത്തില്‍ നടന്ന ഈ സംഭവം ചാണകപ്പാറയ്ക്കല്‍ കുടുംബത്തിനും പ്രത്യേകിച്ച് ചെന്നാമറ്റം ദൈവസഭയ്ക്കും അപമാനകരവും ദുഃഖകരമായിരിക്കുന്നതിനാല്‍ സഭയുടെ പ്രതിക്ഷേധം നേതൃനിരയെ അറിയച്ചതായി ചെന്നാമറ്റം കുഞ്ഞുമോന്‍ അറിയിച്ചു. ചെന്നാമറ്റം ദൈവസഭയും പരേതയുടെ കുടുംബവും ഈ വിഷയത്തില്‍ കഠിനമായി ഭാരപ്പെട്ടിരിക്കുന്നതായി അറിയുന്നു. പ്രമാണങ്ങള്‍ ലംഘിക്കുന്നവര്‍ക്കെതിരെ സഭയുടെ പോളിസി നിഷ്‌കര്‍ഷിക്കുന്ന നടപടി നേതൃനിര സ്വീകരിക്കേണ്ടി വരുമ്പോള്‍ അവരെ ആക്രമിച്ച് പ്രതികാരം തീര്‍ക്കുവാനുള്ള പ്രവണതയെ സംഭവം അറിഞ്ഞവര്‍ അപലപിച്ചു. അങ്ങനെയുള്ളവരുടുമേല്‍ ശിക്ഷണ നടപടികള്‍ സ്വീകരിക്കുന്ന കാര്യത്തില്‍ നേതൃ നിര ശക്തമായിരിക്കണമെന്നും അനേകര്‍ പ്രതീകരിച്ചു.

പാസ്റ്റര്‍ സി. സി തോമസ് കേരളത്തിലേക്ക്

THomas C C

തിരുവല്ല: ചര്‍ച്ച് ഓഫ് ഗോഡ് കേരളാ സ്റ്റേറ്റില്‍ സഭാ ശുശ്രൂഷകന്‍, ഡിസ്ട്രിക്ട് പാസ്റ്റര്‍, വൈ. പി. ഇ പ്രസിഡന്റ്, സ്റ്റേറ്റ് കൗണ്‍സില്‍ മെമ്പര്‍ തിരുവല്ല ഐ. സി റ്റി. എസ് അഡ്മിനിസ്‌ട്രേറ്റര്‍ എന്നി നിലകളില്‍ സ്തുത്യര്‍ഹമായ സേവനം അനുഷ്ടിച്ചതിനു ശേഷം ചാറ്റനൂഗ (ടെന്നസി)) ടൈനര്‍ ചര്‍ച്ച് ഓഫ് ഗോഡ് സഭയുടെ ശുശ്രൂഷകനായി പ്രവര്‍ത്തിച്ചു വന്നിരുന്ന പാസ്റ്റര്‍ സി. സി തോമസ് കേരളത്തിലേക്ക് മടങ്ങി എത്തി. കേരളത്തിലെ ദൈവസഭയുടെ പ്രവര്‍ത്തന വിശാലതയ്ക്കും ദൈവം തന്നില്‍ ഭരമേല്പിക്കുന്ന ശുശ്രൂഷകള്‍ ചെയ്‌തെടുക്കുന്നതിനാണ് അദ്ദേഹം സമര്‍പ്പണത്തോടെ തന്റെ പ്രവര്‍ത്തന മണ്ഡലം കേരളത്തിലേക്ക് മാറ്റുന്നത്. ചുരുങ്ങിയ കുടുംബാംഗങ്ങള്‍ മാത്രമുണ്ടായിരുന്ന ചാറ്റനൂഗ സഭയ്ക്ക് അഭൂതപൂര്‍വ്വമായ വളര്‍ച്ചയാണ് ഇദ്ദേഹത്തിന്റെ കാലയളവില്‍ ഉണ്ടായത്. അനേകം കുടംബംഗങ്ങളെ സഭയിലേക്ക് നേടുന്നതിന് അദ്ദേഹത്തിന്റെ ചിട്ടയായ പ്രവര്‍ത്തനത്തിന് കഴിഞ്ഞു എന്നത് സ്തുത്യര്‍ഹമാണ്. മാത്രമല്ല പെന്തക്കോസ്തല്‍ തിയോളജിക്കല്‍ സെമിനാരിയില്‍ നിന്നും ഉന്നതമായ വേദശാസ്ത്ര ബിരുദം നേടുന്നതിനും ഈ കാലയളവില്‍ അദ്ദേഹത്തിന് സാധ്യമായി. നല്ല പരിപാലന വരവും, ഏവരേയും സ്‌നേഹിക്കുകയും, കരുതകയും, വാത്സല്യത്തോടും ഇടപെടുന്ന ഈ ദൈവദാസന്‍ കേരളത്തിലെ ചര്‍ച്ച് ഓഫ് ഗോഡ് സഭയ്ക്ക് ഒരു മുതല്‍ക്കൂട്ടാണ് എന്നതില്‍ ആര്‍ക്കും സംശയമില്ല. ഇദ്ദേഹത്തിന്റെ പ്രവര്‍ത്തനഫലമായാണ് തിരുവല്ലയിലെ ഐ. സി. റ്റി. എസ് വളര്‍ച്ചയുടെ ഉത്തുംഗശൃഗത്തിലെത്തിയത്. അതിന് പിന്നിലെ ഈ ദൈവദാസന്റെ പ്രവര്‍ത്തനം ആര്‍ക്കും വിസ്മരിക്കുവാന്‍ കഴിയുകയില്ല. ആ കാലയളവില്‍ ഐ. സി. റ്റി. എസില്‍ പഠിച്ചിറങ്ങിയ നൂറു കണക്കിന് വേദവിദ്ധ്യാര്‍ത്ഥികള്‍ ഇന്ന് ലോകത്തിന്റെ വിവിധ ഭാഗങ്ങളില്‍ കര്‍ത്തൃശുശ്രൂഷയിലാണ്. അങ്ങനെ വിശാലമായ ഒരു സുഹൃത്ത് വലയത്തിനുടമയുമാണ് പാസ്റ്റര്‍ സി.സി. തോമസ്. പാശ്ചാത്യ നാടുകളില്‍ കുടിയേറുന്ന പലരും അവിടുത്തെ സുഖസൗകര്യങ്ങള്‍ ഉപേക്ഷിക്കുവാന്‍ തയ്യാറാകാതിരിക്കുമ്പോള്‍ കേരളത്തില്‍ ദൈവം തന്നെ ഭരമേല്പിക്കുന്ന ദൗത്യം പൂര്‍ത്തികരിക്കുന്നതിനായി എത്തിച്ചേരുന്ന പാസ്റ്റര്‍ സി. സി തോമസിനെ ശ്ലാഘിക്കുന്നതിനോടൊപ്പം യുഗാന്ത്യ സന്ദേശം കുടുംബത്തിന്റെ എല്ലാ ആശംസയും അറിയിക്കുന്നു.

പിസിനാക്ക്: ആരാധന നയിക്കാന്‍ ഹില്‍സോങ്ങ്

hilsong

ഡാളസ്: ഡാളസ് പട്ടണത്തില്‍ ജൂലൈ ആദ്യം നടക്കുന്ന 34-ാമത് നോര്‍ത്തമേരിക്കന്‍ മലയാളി കോണ്‍ഫ്രന്‍സില്‍ സംഗീതമാലപിക്കുവാന്‍ ഹില്‍സോംഗ് എത്തുന്നു. ആരാധനാ സംഗീതത്തിലെ ലോകത്തിലെ തന്നെ ഏറ്റവും പ്രസിദ്ധമായ ബാന്റാണ് ഹില്‍സോംഗ്. ഇതാദ്യമായാണ് ഒരു മലയാളി വേദിയില്‍ ഹില്‍സോംഗ് എത്തുന്നത്. ഹില്‍സോങ്ങിന്റെ സാന്നിധ്യം പിസിനാക്ക് കോണ്‍ഫ്രന്‍സിനെ ചരിത്രമാക്കി മാറ്റുമെന്ന് ഉറപ്പായിക്കഴിഞ്ഞു. ‘എ നൈറ്റ് ഓഫ് വര്‍ഷിപ്പ് വിത്ത് ഹില്‍ സോംഗ്’ എന്ന പേരില്‍ പിസിനാക്കിന്റ ഒരു രാത്രി പ്രത്യേക പ്രോഗ്രാമായി ക്രമീകരിച്ചിട്ടുള്ളതായി നാഷണല്‍ സെക്രട്ടറി ടിജു തോമസും കണ്‍വീനര്‍ റവ.ഷാജി കെ. ദാനിയേലും പറഞ്ഞു.

എ.ജി.സൂപ്രണ്ട് റവ.റ്റി.ജെ.സാമുവല്‍ പ്രസ്താവന പിന്‍വലിച്ച് മാപ്പ് പറയണം

T J Samuel

യു.കെ.യില്‍ നടന്ന ഒരു കോണ്‍ഫ്രന്‍സില്‍ നടത്തിയ പ്രസംഗം അതുപോലെ എഴുതുന്നു. ”ഞാന്‍ ദുഃഖത്തോടുകൂടി ഈ വേലചെയ്യുന്നു. പെന്തക്കോസ്തിലെ നേതാവായിരിക്കുന്നതിലും ആക്ഷേപകരമായ ഒരുകാര്യം അഖിലാണ്ഡത്തില്‍ മറ്റൊന്നുമില്ലാസത്യം. ഇത്രയും നാണംകെട്ട ഒരുപണി ലോകത്തില്‍ വേറെയില്ല പലതവണ ഞാന്‍ ദൈവത്തോടു പറഞ്ഞു എന്നെ വിടൂ! വിടാഞ്ഞതുകൊണ്ട് മാത്രം ഞാന്‍ ഇത് ചെയ്യുന്നു.” പെന്തെക്കോസ്തു പ്രസ്ഥാനത്തിന്റെ നേതൃസ്ഥാനത്ത് നില്ക്കുന്നവര്‍ക്കും, കര്‍ത്തൃവേലചെയ്യുന്ന രാജകീയപുരോഹിതവര്‍ഗ്ഗമായ ഏവര്‍ക്കും അപമാനകരമായ പ്രസ്താവനയാണ് കര്‍ത്താവിന്റെ അബാസിഡേഴ്‌സ് ആണ് ഞങ്ങള്‍ ലോകത്തിലെ ഉന്നത ജോലികള്‍ രാജിവെച്ച് കര്‍ത്താവിന്റെ മുന്തിരിതോട്ടത്തില്‍ അദ്ധ്യാനിക്കുവാന്‍ ഇറങ്ങിയ ആയിരങ്ങളെ അപമാനിച്ച പ്രസ്തവാന ബഹുമാന്യനായ സൂപ്രണ്ട് പാസ്റ്റര്‍ റ്റി.ജെ.ശാമുവേല്‍ ഈ പ്രസ്താവന പിന്‍വലിച്ച് സമൂഹത്തോട് പരസ്യമായി മാപ്പുപറയണം. അസംബ്‌ളിസ് ഓഫ് ഗോഡിലെ നേതൃതെരഞ്ഞെടുപ്പ് നറുക്കിട്ടല്ല റ്റി.പി.എം കാരേപോലെ അദ്ധ്യക്ഷന്‍ പ്രാര്‍ത്ഥിച്ച് ആത്മനിയോഗത്തില്‍ തലയില്‍ കൈവച്ചു വേര്‍തിരിക്കലല്ല. ബര്‍ന്നബാസിനേയും, ശൗലിനേയും വിളിച്ചിരിക്കുന്ന വേലക്കായി വേര്‍തിരിച്ചില്‍ എന്ന് ഒന്നാം നൂറ്റാണ്ടില്‍ പരിശുദ്ധത്മാവ് വിളിച്ചുപറഞ്ഞതുപോലെ വേര്‍തിരിക്കലല്ല. വോട്ടവകാശമുള്ളവനെ സ്വാധീനിച്ചും, വശീകരിച്ചും, പ്രലോഭിച്ചും, മോഹനവാഗ്ദാനങ്ങള്‍ നല്കിയും രാഷ്ട്രീയ തന്ത്രങ്ങള്‍ മെനഞ്ഞും പെന്തെക്കോസ്തിന്റെ നേതൃസ്ഥാനത്ത് എത്തുന്നവരാണ് അധികവും, എജി പ്രസ്ഥാനത്തിലും ഈ രീതി തന്നെയാണ് ഇലക്ഷന്‍ സമയത്ത് നടക്കുന്നത് സൂപ്രണ്ടിന് നിക്ഷേധിക്കാമോ? തെരഞ്ഞെടുപ്പ് സമയത്ത് താങ്കളെക്കാള്‍ വിദ്യാഭ്യാസയോഗ്യതയുള്ളവരും വേദഗസ്ത്ര ഡിഗ്രി ഉള്ളവരും പ്രാപ്തന്മാരും അനവധിപേര്‍ പ്രസ്ഥാനത്തിലില്ലെ സന്തോഷത്തോടു കൂടി ഞാന്‍ മത്സരിക്കുന്നില്ല. ആസ്ഥാനത്ത് മറ്റൊരു ദൈവദാസന്‍ വരട്ടെ എന്ന് താങ്കള്‍ പറഞ്ഞിട്ടുണ്ടോ. താങ്കളെ ദൈവം വിടുന്നില്ല. എത്ര അബദ്ധമാണ് വിളിച്ചുപറഞ്ഞത് അതിന്റെ അര്‍ത്ഥം ഞാന്‍ തുടര്‍ന്നില്ലെങ്കില്‍ എജി പ്രസ്ഥാനം കാണുകയില്ല. എന്റെ നേതൃത്വം കൊണ്ടു മാത്രമാണ് പ്രസ്ഥാനം നിലനില്ക്കുന്നത് എന്ന അഹന്തയല്ലെ പ്രസ്താവനയില്‍ ധ്വനിച്ചത്. ഒരു പെന്തക്കോസ്തു പ്രസ്ഥാനവും ആരെങ്കിലും ഒരാളെ കേന്ദ്രീകരിച്ചല്ല നിലനില്‍ക്കുന്നത്. ആയുഷ്‌ക്കാലം മുഴുവന്‍ ഞാന്‍ തന്നെ ആയിരിക്കണം എങ്കില്‍ മാത്രമേ പ്രസ്ഥാനത്തിന് നിലനില്പുള്ളൂ എന്ന് ചിന്തിച്ചെങ്കില്‍ അത് അഥമത്വമാണ് എന്നതില്‍ സംശയിക്കണ്ട. അദ്ധ്യക്ഷസ്ഥാനം ആര്‍ക്കും കുത്തകയല്ല. ദൈവം ആരുടേയും പോക്കറ്റിലുമല്ല മരണംവരെ ഞാന്‍ തന്നെയായിരിക്കണം നേതാവ് എന്ന ചിന്ത പെന്തെക്കോസ്തു നേതാക്കന്മാര്‍ ഉപേക്ഷിക്കണം. പ്രാപ്തനായ മറ്റൊരാളെ സന്തോഷത്തോടെ ചുമതല ഏല്പിക്കുവകാനുള്ള കൃപയും ദൈവത്തോടു ചോദിച്ചുവാങ്ങണം. സ്ഥാനം ഇല്ലെങ്കില്‍ സ്ഥാനത്തില്‍ തുടരുന്നത് അപമാനമാണ് എന്ന് ചിന്തിക്കുന്ന ഇന്നത്തെ നേതാക്കന്മാര്‍ മാനസാന്തരപ്പെടണം. ഈ സ്ഥാനത്ത് നിന്ന് എനിക്ക് ഒരു വിടുതല്‍ തരണമേ കര്‍ത്താവേ എന്ന് റ്റി.ജെ. സാര്‍ ഇന്നുവരെ പ്രാര്‍ത്ഥിച്ചിട്ടുണ്ടോ? സൂപ്രണ്ട്, അഖിലേന്ത്യാ സെക്രട്ടറി ഈ സ്ഥാനങ്ങളൊക്കെ നേടിയെടുക്കുവാന്‍ റ്റി.ജെ. സാര്‍ കാണിച്ചിട്ടുള്ള പരാക്രമങ്ങള്‍ എ.ജി. യിലെ ശുശ്രൂഷകന്‍മാര്‍ വിവരിക്കുന്നു. മറുപടി ഉണ്ടോ? മറ്റുള്ളവരുടെ കുതികാല്‍ വെട്ടി വോട്ട് പിടിച്ച് സ്ഥാനം നേടിയശേഷം ദൈവം വിടുന്നില്ല ഇത്രയും നാണംകെട്ട വേല വേറെയില്ല. ഇത്രയും ആക്ഷേപകരമായ ഒരു പ്രസ്ഥാനം ലോകത്തില്‍ വേറെയില്ല ഈ പ്രസ്താവനകള്‍ ഒരു നേതാവ് നടത്തി കൂടാ. മനസാക്ഷിക്ക് വിരുദ്ധമാണ്. കര്‍ത്താവ് ചിരിക്കുന്നു. ദൈവ കൃപയില്‍ ഞാന്‍ നിലനില്ക്കുന്നത് കര്‍ത്താവ് വിടാത്തതു കൊണ്ടാണ് എന്ന് പറഞ്ഞാല്‍ മനസ്സിലാക്കാം അതില്‍ ഒരു ദൈവാശ്രയം ഉണ്ട്. എന്നാല്‍ സഭയുടെ അദ്ധ്യക്ഷ സ്ഥാനത്ത് നിന്ന് കര്‍ത്താവ് വിടുന്നില്ല എന്നൊക്കെ പറഞ്ഞാല്‍ എത്രയോ വിഢിത്വമാണ്. ഇതുപോലെ ഒരു വിഢിത്തം ചില വര്‍ഷങ്ങള്‍ക്ക് മുന്‍പ് ബഹുമാന്യ റ്റി.ജെ. സാര്‍ പറഞ്ഞു ഒരു വെളിവ് കേടുപോലെ 2000 ആകുംമ്പോഴേക്കും ഭാരതം നൂറുശതമാനം ക്രിസ്തീയ രാഷ്ട്രമാകും. ഇനി നാലുവര്‍ഷം മാത്രം. ഭാരതത്തിലെ ജാതി തിരിച്ചുള്ള സ്ഥിതി വിവരം ഇതോടൊപ്പം ചേര്‍ത്തിട്ടുണ്ട്. സ്ഥിതി ഇപ്പോള്‍ എങ്ങനെയുണ്ട് എന്ന് നോക്കുക. ഇവിടെയുള്ള ആര്‍ എസ്സ് എസ്സും, ശിവസേനയും സംഘപരിവാറുമൊക്കെ സുവിശേഷകര്‍ക്ക് എതിരെ അക്രമം അഴിച്ചുവിട്ടതും പീഡനമുറകള്‍ ആരംഭിച്ചതും ഇങ്ങനെയുള്ള അബദ്ധങ്ങള്‍ വിളിച്ചു പറഞ്ഞതിന്റെ പേരിലല്ലെ. പി.ജി.വര്‍ഗ്ഗീസ് എന്ന ഒരു ദൈവദാസന്‍ പത്രങ്ങളിലും, പ്രസംഗങ്ങളിലും പരസ്യം ചെയ്തു ഭാരത്തിന്‍ ഒരു പിന്‍ കോഡില്‍ ഒരു സഭ പണസമ്പാദനത്തിന് വേണ്ടിയാണ്. പ്രസ്താവന നടത്തിയത്. അതിന്റെ പേരില്‍ എത്ര സുവിശേഷകന്മാര്‍ ആക്രമിക്കപ്പെട്ടു. പീഡിപ്പിക്കപ്പെട്ടു. കര്‍ത്താവ് ഏല്പിച്ച ശുശ്രൂഷയും വേലയും ചെയ്താല്‍ പോരെ? ആവശ്യമില്ലാത്ത പ്രസ്താവനകള്‍ നടത്തി കോളിളക്കം സൃഷ്ടിക്കണോ? ഒരിക്കല്‍ റ്റി.ജെ. സുപ്രണ്ടിന് വെളിപ്പാടു കിട്ടി ഇനി കോട്ടും പാന്റും ടൈയും വേണ്ട ‘മുണ്ടും ഷര്‍ട്ടും’ അതും ഒരു വെളിവ് കേടായിരുന്നു. അധികനാള്‍ നിലനിന്നില്ല. പാശ്ചാത്യവസ്ത്രധാരണം വെളിപ്പെട്ടുവന്നു. എന്തെങ്കിലും മാനസികസമതലതെറ്റിയ അവസ്ഥയുണ്ടോ? എന്ന് ജനം സംശയിക്കുന്നു. ദൈവകൃപയുള്ള ദൈവദാസന്മാരുടെ പ്രാര്‍ത്ഥനാവലയത്തില്‍ ഇരുന്ന് പ്രാര്‍ത്ഥിച്ച് റ്റി.ജെ. സാര്‍ വിടുതല്‍ പ്രാപിക്കണം. ബഹുമാന്യ സൂപ്രണ്ട് സ്റ്റേജുകളില്‍ വിളിച്ചു പറഞ്ഞ പല അബദ്ധങ്ങള്‍ ഉണ്ട് എല്ലാം ഇവിടെ ഇദ്ധരിക്കുന്നില്ല. സ്റ്റേജില്‍ കയറുമ്പോള്‍ ഇങ്ങനെയുള്ള അബദ്ധങ്ങള്‍ ഇനിയും ഉണ്ടാകാതിരിക്കുവാന്‍ ദൈവീക പരിജ്ഞാനത്തിന്റെ കൃപ കര്‍ത്താവിനോടു ചോദിച്ചു വാങ്ങണമെന്നറിയിച്ചു കൊണ്ട് തല്ക്കാലം നിര്‍ത്തുന്നു. ഇത് ദൈവസ്‌നേഹത്തിന്റെ ബുദ്ധി ഉപദേശമായി കരുതുമെന്ന് ആശിക്കുന്നു. എല്ലാ നേതാക്കന്മാരും സ്റ്റേജില്‍ കയറുമ്പോള്‍ പറയുന്ന കാര്യങ്ങള്‍ ജനം ശ്രദ്ധിക്കുന്നുവെന്നും അത് വിലയിരുത്തുമെന്നും വിമര്‍ശനാത്മകമാകേണ്ട പ്രസ്താവനകള്‍ വായില്‍ നിന്ന് വരാതെ ഏവരും സൂക്ഷിക്കുന്നത് നല്ലതാണ്.
2020 ല്‍ ഭാരതം ക്രിസ്തീയ രാഷ്ട്രം ആകും എന്ന എ.ജി. സൂപ്രണ്ടിന്റെ പ്രവചനം നിലനില്ക്കുമ്പോള്‍ ഇപ്പോഴത്തെ സ്ഥിതി ശ്രദ്ധിക്കുക.
2015-ല്‍ പുറത്തു വിട്ട കണക്ക്
ഭാരതത്തില്‍ 96.63കോടി ഹിന്ദുക്കള്‍. 17.22 കോടി മുസ്ലീംങ്ങള്‍ ക്രിസ്ത്യന്‍ ജനസംഖ്യ 2.78 കോടി ഒരു മതത്തിലും പെടാത്തവര്‍ 29 ലക്ഷം രാജ്യത്തെ ജനസംഖ്യമതാടിസ്ഥാനത്തില്‍ ഹിന്ദക്കള്‍ 96.63 കോടി, 79.8 ശതമാനം മുസ്ലീങ്ങള്‍ 17.22 കോടി 14.2 ശതമാനം ക്രിസ്ത്യാനികള്‍. 2.78 കോടി 2.3 ശതമാനം സിഖ്കാര്‍ 2.08 കോടി 1.7 ശതമാനം ബുദ്ധവംശം. 0.84 കോടി 0.7 ശതമാനം ജൈനമതം 0.45 കോടി 0.4 ശതമാനം മതം പറയാത്തവര്‍ 0.29 കോടി 0.2 ശതമാനം ആകെ ഭാരത ജനസംഖ്യ 121.09 കോടി.
കേരളത്തിന്റെ ചിത്രം
ഹിന്ദുക്കള്‍ 18282492-54.73 ശതമാനം, മുസ്ലിംങ്ങള്‍ – 8873472 26.56 ശതമാനം, ക്രിസ്ത്യന്‍ – 6141269-18.3 ശതമാനം, സിഖുകാര്‍ – 3814, ബുദ്ധമതക്കാര്‍ – 4752, ജൈനമതക്കാര്‍-4489, മറ്റുമതക്കാര്‍-7618, മതംപറയാത്തവര്‍ – 88156, ആകെ ജനസംഖ്യ – 3.34 കോടി

നിയമിതനായി

Ahilash

മുളക്കുഴ: ചര്‍ച്ച് ഓഫ് ഗോഡ് കേരളാ സ്‌റ്റേറ്റ് യുവജന വിഭാഗമായ വൈ. പി. ഇയുടെ ജോയിന്റ് ഡയറക്ടറായി പാസ്റ്റര്‍ അഭിലാഷ് എ. പി നിയമിതനായി. തിരുവനന്തപുരം ടൗണ്‍ സിസ്ട്രിക്ടിലെ മെഡിക്കല്‍ കോളേജ് സഭയുടെ പാസ്റ്ററും മുളക്കുഴ മൗണ്ട് സയോണ്‍ സെമിനാരി അക്കാഡമിക് ഡീനും, പെന്തക്കോസ്തല്‍ തിയോളജിക്കല്‍ ഫോറത്തിന്റ പ്രസിഡന്റുമാണ്. സെറാമ്പൂര്‍ യൂണിവേഴ്‌സിറ്റിയില്‍ നിന്നും ബിരുദാനന്തര ബിരുദവും, സോഷ്യോളജിയില്‍ എംഫിലും നേടിയിട്ടുണ്ട്. ഇപ്പോള്‍ പഴയനിയമത്തില്‍ ബാംഗ്ലൂര്‍ ധര്‍മ്മാരാം വിദ്യാക്ഷേത്രത്തില്‍ ഡോക്ടറേറ്റ് ചെയ്യുന്നു.

 

അനുമോദിച്ചു

Nissy J

പാണ്ടനാട്: ഈക്കഴിഞ്ഞ എസ്എസ്എല്‍സി പരിക്ഷയില്‍ എല്ലാ വിഷയത്തിനും എ പ്ലസ് നേടിയ നിസ്സി ജെയെ ചെങ്ങന്നൂര്‍ എം. എല്‍. എ ശ്രീ പി. സി വിഷ്ണുനാഥ് ക്യാഷ് അവാര്‍ഡ് നല്കി അനുമോദിച്ചു. പാണ്ടനാട് എസ് വി എച്ച എസ് സ്‌കൂള്‍ വിദ്യാര്‍ത്ഥിനിയായ നിസ്സി ഉഴവൂര്‍ ദൈവസഭാ ശുശ്രൂഷകന്‍ കോയിക്കപറമ്പില്‍ കെ. വി. ബിജുമോന്റെയും ജോളിയുടെയും മകളും കീഴ്‌വന്മഴി ചര്‍ച്ച് ഓഫ് ഗോഡ് സഭാംഗവുമാണ്. സണ്ടേസ്‌കൂള്‍ തലത്തിലും യുവജന താലന്തു പരിശോധനകളിലും ധാരാളം സമ്മാനങ്ങള്‍ വാങ്ങിയിട്ടുണ്ട്.

മൗണ്ട് സയോന്‍ സെമിനാരി ബിരുദദാന ശുശ്രൂഷ

Attachment-1

മുളക്കുഴ: ഇന്‍ഡ്യ പൂര്‍ണ്ണ സുവിശേഷ ദൈവസഭയുടെ വിദ്യാഭ്യാസവിഭാഗത്തിന്റെ വിവിധ ബൈബിള്‍ കോളേജുകളുടെയും മൗണ്ട് സയോന്‍ ബൈബിള്‍ സെമിനാരിയുടെയും ബിരുദദാന ശുശ്രൂഷ മാര്‍ച്ച് 24 ന് മുളക്കുഴയിലുള്ള ആഡിറ്റോറിയത്തില്‍ വച്ച് നടന്നു. എഡ്യുക്കേഷന്‍ ഡയറക്ടര്‍ പാസ്റ്റര്‍ ജോണ്‍സന്‍ ഡാനിയേല്‍ അദ്ധ്യക്ഷത വഹിച്ചു. സ്‌റ്റേറ്റ് ഓവര്‍സിയര്‍ പാസ്റ്റര്‍ പി. ജെ. ജെയിംസ് കമ്മീഷനിംഗ് സന്ദേശം നല്കുകയും സര്‍ട്ടിഫിക്കറ്റുകള്‍ വിതരണം നടത്തുകയും ചെയ്തു. പാസ്റ്റര്‍ മാത്യു കെ. ഫിലിപ്പ് മുഖ്യസന്ദേശം നല്കി. സ്റ്റേറ്റ് കൗണ്‍സില്‍ സെക്രട്ടറി പാസ്റ്റര്‍ ജെ. ജോസഫ് ഫിലിപ്പിയന്‍സിലുള്ള ഏഷ്യന്‍ സെമിനാരിയുടെ എം.എ.സര്‍ട്ടിഫിക്കറ്റുകള്‍ വിതരണം ചെയ്യുകയും ആശംസകള്‍ അറിയിക്കുകയും ചെയ്തു. ഗ്രാജുവേറ്റ്‌സിനെ പ്രതിനിധികരിച്ച് ബ്രദര്‍ അവിനാഷ് കുമാറും സിസ്റ്റര്‍ അജ്ഞലി കിഷോറും പ്രസംഗിച്ചു. പാസ്റ്റര്‍ പി. സി ചെറിയാന്‍ സങ്കീര്‍ത്തനം വായിക്കുകയും രജിസ്ട്രാര്‍ പാസ്റ്റര്‍ ഷിബു കെ മാത്യു സ്വാഗതം ആംശസിക്കുകയും ചെയ്തു. പാസ്റ്റര്‍ പി. പി കുര്യന്‍, ബ്രദര്‍ റ്റി. യോഹന്നാന്‍, സിസ്റ്റര്‍ ആനി ജയിംസ് തുടങ്ങിയവര്‍ ആശംസകളറിയിച്ചു. പാസ്റ്റര്‍ കെ. എ ഉമ്മന്‍ ഗ്രാജുവേറ്റ്‌സിനായും, പാസ്റ്റര്‍മാരായ സാം. റ്റി. ജോര്‍ജ്, വിനോദ് ജേക്കബ്, ജോയി എ ചാക്കോ, കുര്യാക്കോസ് ജേക്കബ് തുടങ്ങയിവരും പ്രാര്‍ത്ഥിച്ചു. മൗണ്ട് സീയോണ്‍ ബൈബിള്‍ സ്‌കൂള്‍ ക്വയര്‍ ഗാനം ആലപിച്ചു.
2016-17 അദ്ധ്യായന വര്‍ഷത്തേക്കുള്ള ഇന്റര്‍വ്യൂ ഏപ്രില്‍ മാസം 26-ാം തീയതി രാവിലെ 10 മണിക്ക് മൗണ്ട് സയോന്‍ ബൈബിള്‍ സെമിനാരിയില്‍ വച്ച് നടക്കുകയുമുണ്ടായി.

പിസിനാക്ക് 2016 വന്‍ജന പങ്കാളിത്തത്തിന് സാദ്ധ്യത

PCNAK copy

ഡാളസ്: നോര്‍ത്തമേരിക്കന്‍ മലയാളി പെന്തക്കോസ്ത് കോണ്‍ഫ്രന്‍സിന് ലോകത്തിന്റെ വിവിധ ഭാഗങ്ങളില്‍ നിന്ന് ധാരാളം പേര്‍ വന്ന് സംബന്ധിക്കുമെന്ന് സൂചന. അമേരിക്കയുടെ വിവിധ പട്ടണങ്ങള്‍ കേന്ദ്രികരിച്ച് നടന്ന പ്രമോഷണല്‍ മീറ്റിംഗുകളില്‍ ധാരാളം പേര്‍ സംബന്ധിച്ചു കൊണ്ടിരിക്കുകയാണ്. ജനം വളരെ ആകാംക്ഷയോടെ ഉറ്റുനോക്കുന്ന ഒരു കോണ്‍ഫ്രന്‍സായി മാറിക്കഴിഞ്ഞു. പിസിനാക്കിന്റെ ചരിത്രത്തിലെ ഏറ്റവും സുപ്രധാനമായ ഒരു കോണ്‍ഫ്രന്‍സായിരിക്കും ജൂണ്‍ 30 മുതല്‍ ജുലൈ 5 വരെ ഡാളസ് ആഡിസണിലെ ഇന്റര്‍ കോണ്ടിനെന്റല്‍ ഹോട്ടലില്‍ വച്ച് നടക്കുന്ന കോണ്‍ഫ്രന്‍സ്. ഫിലഡല്‍ഫിയായിലും, ഹൂസ്റ്റണിലും നടന്ന പിസിനാക്ക് കോര്‍ണര്‍ സ്‌റ്റോണ്‍ മ്യൂസിക് നൈറ്റില്‍ ഇമ്മാനുവേല്‍ ഹെന്‍ട്രി ഗാനങ്ങള്‍ ആലപിച്ചു. ലോക പ്രസിദ്ധരായ പ്രസംഗകരായ റെയിനാര്‍ഡ് ബോങ്കേ, ഫ്രാന്‍സിസ് ചാന്‍, ഡാനിയേല്‍ കോളെന്‍സാ, ബാബു ചെറിയാന്‍, സിസ്റ്റര്‍ ഗെറ്റ്‌സിയാല്‍ മോഹന്‍ എന്നിവരാണ് മുഖ്യപ്രസംഗകര്‍. ലണ്ടനില്‍ നിന്നുള്ള ഹില്‍ സോംഗ് ഈ കോണ്‍ഫ്രന്‍സില്‍ സംബന്ധിക്കുന്നു എന്നുള്ളത് പ്രത്യേകതയാണ്. പാസ്റ്റര്‍ ഷാജി. കെ ദാനിയേല്‍ (കണ്‍വീനര്‍) ബ്രദര്‍ റ്റിജു തോമസ് (സെക്രട്ടറി) ബ്രദര്‍ തോമസ് വര്‍ഗീസ് (ട്രഷറാര്‍) ബ്രദര്‍ ഏബ്രഹാം എം ജോര്‍ജ് (യൂത്ത് കോര്‍ഡിനേറ്റര്‍) എന്നിവരുടെ നേതൃത്വത്തില്‍ വിപുലമായ കമ്മറ്റി പ്രവര്‍ത്തിച്ച് വരുന്നു.

ചര്‍ച്ച് ഓഫ് ഗോഡ് കോണ്‍ഫ്രന്‍സ് ടോറന്റോയില്‍

NAcog copy

കാനഡ: നോര്‍ത്തമേരിക്കന്‍ ചര്‍ച്ച് ഓഫ് ഗോഡ് മലയാളി കോണ്‍ഫ്രന്‍സ് ജൂലൈ 14 മുതല്‍ 17 വരെ കാനഡായിലെ ടൊറന്റോയില്‍ ഹോളിഡേ ഇന്‍ ഹോട്ടലില്‍ വച്ച് നടക്കും. അമേരിക്കയിലെ വിവിധ പട്ടണങ്ങള്‍ കേന്ദ്രികരിച്ച് നടക്കുന്ന കോണ്‍ഫ്രന്‍സ് ഈ പ്രാവശ്യം കാനഡിയില്‍ നടക്കുന്നു എന്നുള്ളത് ഒരു പ്രത്യേകതയാണ്. പാസ്റ്റര്‍മാരായ ജാക്വിസ് ഹൗളെ, പി. ജെ ജയിംസ്, ജോ കുര്യന്‍, ബെനിസണ്‍ മത്തായി, ലിന്‍സണ്‍ ഡാനിയേല്‍, സിസ്റ്റര്‍ അന്നമ്മ നൈനാന്‍ എന്നിവര്‍ മുഖ്യ പ്രസംഗകരായിരിക്കും. പാസ്റ്റര്‍മാരായ സാംകുട്ടി വര്‍ഗിസ് (പ്രസിഡന്റ്) സന്തോഷ് പൊടിമല (വൈസ് പ്രസിഡന്റ്), സാം മാത്യു (സെക്രട്ടറി), ജോഷ്വാ ജോസഫ് (നാഷണല്‍ ട്രഷറാര്‍), സിസില്‍ മാത്യു (യൂത്ത് കോര്‍ഡിനേറ്റര്‍) എന്നിവരുടെ നേതൃത്വത്തില്‍ വിപുലമായ കമ്മറ്റി പ്രവര്‍ത്തിച്ച് വരുന്നു.

Yougandhya Sandesham Oct Issue new10 copy12190785_1142181409126205_8460763331841105025_n